2017-09-22 08:28:25 clouds 27o High | Kigali Rwanda

Dukurikire:
 
 

Paul Kagame i Gicumbi yavuze ko ubudasa bw’Abanyarwanda bwashobeye amahanga

Yanditswe na IMVAHO NSHYA

Kuya 2017-08-01 11:56:33

 
Share on:
 
Yasuwe:207
 
Yavuzweho:200
 
10
 
10

Umukandida w’Umuryango FPR-Inkotanyi n’amashyaka umunani bifatanyije, Paul Kagame, yiyamamarije mu karere ka Gicumbi kuri uyu 1 Kanama 2017, ababwira ko ubudasa bw’Abanyarwanda bushingiye ku bufatanye bwabo.

Kagame yabwiye abanya Gicumbi babarirwa hafi mu bihumbi 200 bari bateraniye mu murenge wa Cyumba ko ingabo za RPF yari ayoboye ubwo zari mu rugamba rwo kubohora u Rwanda zabaye i Gicumbi, bagakorana n’abaturage bayo ndetse abashimira ko babafashije.

Yasobanuye ko Abanyagicumbi n’Abanyarwanda muri rusange bashoboye kwihindurira amateka, bagatera imbere, bityo bagahindura n’igihugu cyabo.

Yagize ati “Turasubira ku mateka y’urugamba uko twahabanye namwe, uko twahabereye incuti, uko twakoranye, uko mwadufashije, bigatuma urugamba rushoboka, urugamba ni urugamba nyine, ruba rurimo byinshi bigoye bikomeye ariko twafashe inzira dutera imbere, hanyuma ni aha igihugu kigeze.”

JPEG - 95.7 kb
I Gicumbi, abaturage benshi bakiriye umukandida wa FPR, Paul Kagame

Umukandida, Paul Kagame yakomeje asobanura ko amatora azaba ku ya 04 Kanama 2017, azaba agamije gukomeza gushyigikira amajyambere, ubumwe n’umutekano.

Yakomeje ati “Nta heza ho kubivugira nka Gicumbi. Rero itariki enye ubwo turatekereza imyaka irindwi nyuma y’izo tariki enye z’ukwa munani, ndibwira ko rwose nta gushidikanya ko nanone nta bakwiye kuba bari ku isonga kutuyobora muri iyo myaka irindwi nka FPR Inkotanyi.”

Ibi yavuze ko abishingira ku kuba abaturage basaga miliyoni enye, baratumye habaho referandumu yemerera umukandida wa FPR kongera kwiyamamaza.

Ati “Icyo mbivugira, bifite uko byaje, ngira ngo abanyarwanda barenze miliyoni 4 ntabwo nzi ko bari aba FPR gusa, bari Abanyarwanda batandukanye. Ibyo basabye, referandumu twakoze, icyayivuyemo cyari icyifuzo cya FPR, cy’amashyaka ya politiki umunani n’abandi Banyarwanda batari muri ayo mashyaka umunani ndetse n’abatarizwa muri FPR cyangwa ayo mashyaka.”

Kagame yabwiye abaturage ba Gicumbi ko Abanyarwanda bashoboye amahanga kubera ubudasa bwabo, kuko bashoboye kunga ubumwe nyuma y’igihe gito, bahuye n’amateka mabi ya Jenoside yakorewe Abatutsi mu 1994.

Ati “ Mu gikorwa cy’amatora ahandi bimenyerewe ko batwika, ko bica, ko barwana ariko ubwo natwe twarabigize… mwibuke gato amateka yavu niko byari bimeze twari nk’abandi.

Igihe cy’amatora cyari icyo kwihisha cyari icyo kwicwa no kwica, cyari icyo kurwana n’ibibi byose, hanyuma hakavamo umuntu witwa ngo yatowe n’abaturage akabayobora. Ubudasa bwacu rero ni ukuva hariya, aho kwica cyangwa kugira nabi ngo urahitamo abayobozi, tukaba turi aha dushobora kubikora mu ituze, mu mbyino mu bushake, …”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE