2017-10-18 18:43:44 clouds 27o High | Kigali Rwanda

Dukurikire:
 
 

Somalia: Al-Shabab yishe abasirikare 24 ba AU barimo 12 ba Uganda

Yanditswe na IMVAHO NSHYA

Kuya 2017-08-01 05:42:44

 
Share on:
 
Yasuwe:336
 
Yavuzweho:200
 
10
 
10

Imirwano hagati y’abarwanyi b’umutwe w’iterabwoba al-Shabaab, ingabo za Somalia n’iz’Umuryango w’Ubumwe bwa Afurika., AMISOM, yaguyemo abantu 24 barimo abasirikare 12 ba Uganda ku cyumweru.

Guverineri wungirije w’Intara ya lower Shabelle yabwiye Reuters ko ingabo ziri mu butumwa bwo kugarura amahoro muri Somalia, AMISOM, zaguye mu gico cy’intagondwa za Al-Shabaab mu gace ka Bulamareer mu ntara ya Shabelle ahagana muri kilometero 140 mu majyepfo y’Uburengerazuba bwa Mogadishu.

Yagize ati “Ubu tumaze kuhavana abasirikare 23 ba AMISOM bapfuye n’undi umwe wa Somalia.”

JPEG - 75.7 kb
Bamwe mu bakomerekeye mu gitero bajyanwe kuvurwa (Foto: Anadolu)

Al Shabaab yo ivuga ko yishe abantu 39 barimo n’uwari uyoboye ingabo za AU, ariko uyu mutwe uzwiho gukunda kuzamura imibare y’abishwe.

Igisirikare cya Uganda kivuga ko ingabo zacyo 12 zaguye muri icyo gitero izindi 12 zigakomereka.

Igitero cyo ku cyumweru kije nyuma y’amasaha make igisasu cyatezwe mu modoka gihitanye abantu basaga batanu biganjemo abasivili mu mujyi wa Mogadishu.

Muri Nzeli 2015 al-Shabaab yishe abandi basirikare ba Uganda 19 mu birindiro bya Janale mu mapyepfo ya Mogadishu.

Uyu mutwe urwanya ko hagira ingabo ziza kugarura amahoro muri Somalia, wagiye unagaba ibitero mu mirwa mikuru ya Uganda na Kenya, ibihugu bifite umubare munini w’ingabo muri Somalia.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE