2017-09-20 12:30:19 clouds 27o High | Kigali Rwanda

Dukurikire:
 
 

Nkombo:Biyemeje gutora 100% Kagame wambukije amashanyarazi ikiyaga cya Kivu

Yanditswe na IMVAHO NSHYA

Kuya 2017-07-28 06:04:16

 
Share on:
 
Yasuwe:71
 
Yavuzweho:200
 
10
 
10

Abaturage b’umurenge wa Nkombo mu karere ka Rusizi, barashimira cyane Perezida Paul Kagame wateje imbere umurenge wabo, magingo aya nabo bakaba baregerejwe amashanyarazi, kandi batarakekaga ko yakwambuka ikiyaga cya Kivu.

Aba baturage bavuga ko Leta zabayeho mbere ya 1994 zabafataga nk’aho atari abanyarwanda, ariko Perezida Paul Kagame we akabaha agaciro kugeza n’aho yambukije amashanyarazi Kivu akabageraho, bakavuga ko ikibatindiye ari itariki gusa, bagahundagaza amajwi 100% kuri Kagame watumye bongera kwiyumvamo ko ari abanyarwanda nk’abandi.

Kwamamaza Perezida Paul Kagame mu murenge wa Nkombo, byaranzwe no kumuvuga ibigwi kubera ibyo yabagejejeho bumvaga ubundi bidashoboka bitewe n’uburyo bari barabayeho batitwa abanyarwanda nk’abandi, cyangwa nibura ngo bitwe abazayirwa bigaragare, ariko aho baboneye Paul Kagame bita umucunguzi, abagarurira kongera kumva ko ari abanyarwanda nk’abandi, abaha amashuri, amazi meza, ubwato n’ibindi byinshi bishimira, anarenzaho abakorera ibyo bita ibitangaza, yambutsa amashanyarazi Kivu ayabagezaho.

JPEG - 383.7 kb
Bemeza ko gutora Kagame 100% ari ugushima ibyo yabagejejeho

Mukeshimana Théobald, utuye mu kagari ka Bigoga muri uyu murenge, yabwiye Imvaho Nshya ko nta muperezida wabayeho nta n’uzabaho uzabakorera nk’ibyo Kagame yabakoreye, kuko ubu abanyenkombo bari mu nzego nyinshi z’ubuyobozi ndetse no mu nteko ishinga amategeko, amashuri akaba yarabegerejwe kuko mu bafite imyaka irenga 50 abize ayisumbuye yonyine bo muri uyu murenge babarirwa ku ntoki z’ikiganza, ariko ubu baraminuza no mu mahanga bakahagera.

Yagize ati “Nta muturage n’umwe wo kuri iki kirwa cya Nkombo ugeze igihe cyo gutora watora undi utari Paul Kagame, keretse indashima kuko urebye uburyo dukeye kubera amashanyarazi yaduhaye, tukaba tutakicwa na kolera kubera amazi meza yatuzaniye, tukagira ikigo nderabuzima hafi, amashuri akaba ahari kandi kera nta shuri ryisumbuye twari twarigeze ndetse n’abanza hari icyiciro abacyigaga barindaga kwambuka amazi bakajya kwiga hakurya bigatuma abenshi batiga, n’ibindi nk’ibyo bituma twese ikidutindiye ari itariki gusa ngo tumwereke ko ataruhiye ubusa.”

Vice Chairman w’umuryango FPR-Inkotanyi muri uyu murenge, Ugirashebuja Rémy, avuga ko barangije gutora Paul Kagame kera igihe bo ubwabo bamwisabiraga kuziyamamaza bakamuha uburyo bwo kongera kubayobora na we ntabatenguhe, ikibatindiye akaba ari itariki gusa kugira ngo bamwereke urukundo bamufitiye.

Yagize ati “Uyu munsi Nkombo duhagaze neza kandi tuvuye kure rwose. Abana bacu barigira iwabo mu gihe twe tutize tutabuze ubwenge. Amashanyarazi n’amazi aratugeraho neza nk’uko mwiyumviye babivuga, ubwato yaduhaye burunguka umunsi ku wundi, n’ibindi byinshi ari yo mpamvu kumwamamaza bitatuvunnye na gato kandi no kumutora bizaba kunyuzaho gusa, ntitwakwirirwa tubibasaba kuko barabizi neza.”

Aba baturage bemeza ko gukomezanya na Paul Kagame bizabungura n’ibindi byinshi biri imbere bashaka kugeraho bagakomeza kubyaza umusaruro umutekano n’amahirwe y’iterambere yabahaye, bakemeza ko kumutora ari ukwiteganyiriza.

BAHUWIYONGERA SYLVESTRE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE