2017-09-25 08:13:20 clouds 27o High | Kigali Rwanda

Dukurikire:
 
 

Gicumbi: Mpayimana yijeje abaturage kuzubaka imiturirwa

Yanditswe na IMVAHO NSHYA

Kuya 2017-07-26 06:18:00

 
Share on:
 
Yasuwe:348
 
Yavuzweho:200
 
10
 
10

Umukandida wigenga mu matora ya Perezida wa Repubulika Mpayimana Phillipe, ku wa 25 Nyakanga 2017 yagejeje imigabo n’imigambi ye ku baturage bo mu murenge wa Rukomo mu karere ka Gicumbi, by’umwihariko abizeza ko nibamutora azateza imbere umujyi wabo, akawubakamo imiturirwa.

Mpayimana yabwiye abaturage bitabiriye igikorwa cyo kwiyamamaza kwe, ko aramutse agiriwe icyizere akaba Perezida wa Repubulika yaharanira iterambere ry’Abanyarwanda muri rusange, ariko ngo by’umwihariko yateza imbere umujyi wa Gicumbi kuko abona usa n’uwasigaye inyuma mu bijyanye n’inyubako zigezweho.

Yagize ati “Numva nzazamura umujyi wa Byumba mu buryo bwo kubaka ibigezweho, ndavuga imiturirwa.”

JPEG - 120.8 kb
Mpayimana ageza imigabo n’imigambi ye ku baturage bo mu karere ka Gicumbi

Mu bindi yagaragaje ko yiteguye gushyira mu bikorwa igihe yaba atorewe kuyobora igihugu, harimo gukora amavugurura mu miyoborere, aho kuri we ngo abanyamabanga nshingwabikorwa n’imirenge bajya batorwa n’abaturage, ndetse akagenera umushahara abakuru b’imidugudu kugira ngo barusheho gukora neza.

Yavuze ko azahindura politiki y’imyubakire abantu bakajya batura mu nzu z’amagorofa, agakuraho ubukode bw’ubutaka ndetse akongera imbaraga mu buhinzi bw’umuceri, nka kimwe mu bihingwa biribwa n’abantu benshi.

Bamwe mu baturage bumvise imigabo n’imigambi ye, bagaragaje ko hari ibyo avuga bishobora kugirira akamaro abaturage, ariko ngo hari n’ibyo babona bidashoboka. Icyakora bavuga ko uwo bazatora bamuzi, na cyane ko ngo bifuza gukomeza gusigasira ibyagezweho.

HABINEZA REGIS

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE