2017-11-23 18:23:19 clouds 27o High | Kigali Rwanda

Dukurikire:
 
 

Mu myaka itanu ishize ibyoherezwa hanze byiyongereyeho miliyari zisaga 102

Yanditswe na IMVAHO NSHYA

Kuya 2017-07-25 06:45:04

 
Share on:
 
Yasuwe:130
 
Yavuzweho:200
 
10
 
10

Ikigo cy’Igihugu gishinzwe ibyoherezwa hanze bikomoka ku buhinzi n’ubworozi (NAEB) kigaragaza ko mu myaka itanu ishize umusaruro w’ibyoherezwa hanze bikomoka ku buhinzi n’ubworozi wiyongereyeho amadolari y’Amerika 123 014 271 asaga miliyari 102 z’amafaranga y’u Rwanda.

Imibare itangwa na NAEB, igaragaza ko mu myaka itanu ishize umusaruro w’ibyoherezwa mu mahanga bikomoka ku buhinzi wavuye ku madolari y’Amerika 208 987 598 muri 2013 ugera kuri 332 001 869 mu 2016/2017.

Uyu musaruro wavuye mu bihingwa birimo ikawa, icyayi, ibireti, imboga, indabo n’ibikomoka ku buhinzi n’ubworozi busanzwe bw’Abanyarwanda.

Muri uwo musaruro uboneka buri mwaka, icyayi, ikawa n’ibireti byavuye ku madolari y’Amerika 117 333 822 muri 2013 ubu bikaba bigeze ku madolari 132 631 215 mu mwaka wa 2016/2017.

JPEG - 373.7 kb
Icyayi ni kimwe mu byoherezwa hanze bikinjiriza igihugu amadevize, nacyo kiri mu byo umusaruro wiyongereye mu gihe gishize (Foto James R.)

Imbuto, imboga n’indabo, muri 2013 byinjirije igihugu amadolari y’Amerika 10 155 385 muri 2013 arazamuka agera ku madolari 13 477 869 mu 2016/2017.

Ibikomoka ku nyamaswa nk’inyama, amata n’ibindi bibikomokaho birimo n’impu byinjije 58 731 235 mu 2013 naho mu 2016/2017 byinjiza amadolari agera kuri 69 027 461.

Ibindi bihingwa byoherezwa na NAEB birimo itabi, ibitoki n’ibibikomokaho, ibikomoka ku mashyamba, isukari, amagi, n’ibindi byinjirije igihugu amadolari angana na 22 767 156 mu 2013 birazamuka bigeza ku madolari 116 865 324 mu mwaka wa 2016/2017.

Raporo ya NAEB y’umwaka wa 2015/2016 igaragaza ko iki kigo cyinjije amadolari y’Amerika angana na miliyoni 289.48 avuye mu byoherejwe hanze, bigaragaza izamuka rya 6% ugereranyije n’umwaka wabanje.

Ni ukuvuga ko hinjiye amadolari y’Amerika miliyoni zisaga 289 ugereranyije na miliyoni zisaga 272 z’umwaka wa 2014/2015.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE