2017-11-23 07:40:03 clouds 27o High | Kigali Rwanda

Dukurikire:
 
 

Kagame arashaka ko umujyi wa Ngoma uhindura isura

Yanditswe na IMVAHO NSHYA

Kuya 2017-07-24 06:36:53

 
Share on:
 
Yasuwe:101
 
Yavuzweho:200
 
10
 
10

Umukandida w’Umuryango FPR-Inkotanyi, Paul Kagame, yatangaje ko ashaka ko Umujyi wa Ngoma mu Karere ka Ngoma uhindura isura kuko ugifite isura ya kera.

Kagame yabivuze ejo hashize tariki ya 23 Nyakanga 2017 ubwo yiyamamarizaga mu karere ka Ngoma mu Ntara y’Iburasirazuba.

Yagize ati “Hari imihanda ibiri igiye kunyura mu karere ka Ngoma, igiye kurangira mu gihe gito.

Muzaba mufite imihanda myiza, ndashaka ko umujyi wa Ngoma uhindura isura, uracyafite isura ya kera, kuko hari ibyo twari gukora tutakoze, turaza kubikora vuba. Abayobozi dufatanye Ngoma ihinduke.”

JPEG - 401.8 kb
Ejo hashize, Paul Kagame yiyamamarije mu turere twa Ngoma, Kirehe na Rwamagana

Paul Kagame akaba yaravuze ko Ngoma n’igihugu cyose yifuza ko amajyambere yihuta, akagera kuri buri wese kandi agirwamo uruhare na buri wese.

Ati “Abagabo n’abagore bakorere hamwe igihugu gitere imbere uko tubyifuza.”

Umukandida wa FPR yavuze ko amazi n’amashanyarazi biziyongera bikagera kuri buri wese, amashuri n’ibitaro ibihari bizongerwa.

Ati “Mwese urubyiruko, abagore ni imbaraga z’igihugu, ku ya 4 muzatore neza uko mubibona dukomeze umutekano, amajyambere, duteze imbere umukobwa, byiyongere ku zindi mbaraga zisanzwe zirimo n’abagabo”.

Yongeyeho ko FPR-Inkotanyi izakomeza gukorana no gufatanya n’ayandi mashyaka ya politiki.

JPEG - 2.2 Mb
Mu karere ka Ngoma umukandida wa FPR-Inkotanyi yakiranwe urugwiro n’abantu bagera ku bihumbi ijana (Foto James R.)

Umuturage wo mu karere ka Ngoma mu murenge wa Rukira witeje imbere, Nyakarundi Telesphore, yavuze ko aho yavuye abikesha ubuyobozi bw’umukandida wa FPR-Inkotanyi.

Nyakarundi yavuze ko yavukiye mu buhungiro, yimwa amahirwe yo kwiga, u Rwanda rubohowe arataha, ariga, arakora, atera imbere. Nyuma yo guhugurwa mu buhinzi, yahuguye abandi baturutse mu turere twose tw’u Rwanda, akaba yaravuze ko yigishijwe n’umwarimu mwiza, Paul Kagame. Ubu uyu mugabo yinjiza amafaranga arenga 500 000 ku kwezi.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE