2017-09-20 12:30:19 clouds 27o High | Kigali Rwanda

Dukurikire:
 
 

Umuherwe Jack Ma yashimiye Perezida Kagame guteza imbere u Rwanda

Yanditswe na IMVAHO NSHYA

Kuya 2017-07-21 11:07:22

 
Share on:
 
Yasuwe:380
 
Yavuzweho:200
 
10
 
10

Perezida wa Repubulika, Paul Kagame, yakiriye umuherwe Jack Ma n’abandi bashoramari baturutse mu gihugu cy’u Bushinwa kuri uyu wa 21 Nyakanga 2017.

Abo bashoramari bitabiriye inama ya Youth Connect Africa iri kwigirwamo uburyo urubyiruko rwa Afurika rwarushaho guhabwa amahirwe y’iterambere.

Jack Ma ni umuherwe wa 14 ukize kurusha abandi ku Isi, utunze miliyari 35 z’amadorali. Yashinze urubuga rwa internet rugurishirizwaho ibicuruzwa, Alibaba, akaba ari narwo rwa gatanu rwinjiza amafaranga menshi.

Akimara kwakirwa na Kagame, yamushimiye ubutwari yagize bwo guhagarika Jenoside yakorewe Abatutsi mu 1994, akaba yarateje imbere u Rwanda ku buryo bugaragara.

Yagize ati “Twishimiye guhura nawe, nk’intwari yagejeje iki gihugu kuri uru rwego.”

Mu kiganiro ku mahirwe y’ubucuruzi ari mu Rwanda no muri Afurika, cyabaye mu gitondo, Jack Ma yavuze ko akigera mu Rwanda yatangajwe n’isuku irangwa mu mujyi wa Kigali. Yongeyeho ko u Rwanda rwarebye kure mu guteza imbere abagore.

Uyu muherwe kandi yijeje ko mu gihe cya vuba arashyira ingufu muri Afurika abantu benshi bagatangira kugura no kugurisha binyuze ku rubuga rwe Alibaba.

Inama ya Youth Connect Africa yahuje abashoramari, abayobozi b’ibigo by’ubucuruzi, ibyamamare, urubyiruko, abahanga mu ikoranabuhanga n’abandi baturutse mu bihugu 90.

Bararebera hamwe uburyo ibibazo byugarije urubyiruko rwa Afurika nk’ubushomeri n’uburezi budafite ireme byakemuka, ndetse rugahabwa amahirwe afatika yo gutera imbere binyuze mu kwikorera no guhanga udushya.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE