2017-11-18 15:01:27 clouds 27o High | Kigali Rwanda

Dukurikire:
 
 

Ntabwo Imana yaturemeye kuba abatindi –Perezida Kagame i Huye

Yanditswe na IMVAHO NSHYA

Kuya 2017-07-16 11:53:23

 
Share on:
 
Yasuwe:633
 
Yavuzweho:200
 
10
 
10

Paul Kagame, umukandida w’Umuryango FPR-Inkotanyi, yakomeje ibikorwa bye byo kwiyamamaza mu karere ka Huye ku gicamunsi cyo kuri iki cyumweru, ku wa 16 Nyakanga 2017

Yabwiye abaturage babarirwa mu bihumbi ijana bari bitabiriye icyo gikorwa ko yishimiye ko bamaze guhitamo uzabayobora, kugira ngo bazafatanye kugera kuri byinshi.

Ati “Mwahisemo kera, mwakoze cyane, ubwo ninjye namwe. Bityo rero icyo dukora uyu munsi ni ukwishimira ibyo tumaze kugeraho n’ibyiza bindi biruseho biri imbere tugiye gukora. “

JPEG - 112.3 kb
Abaturage b’i Huye bakiranye yombi kandida Paul Kagame

Kandida Paul Kagame yasobanuye ko umuryango FPR Inkotanyi washoboye kubaka ubumwe mu Banyarwanda mu gihe ubuyobozi bubi bwari bwarababibyemo amacakubiri; ndetse ukaba warabagejeje ku mutekano n’amajyambere.

Yagize ati” Turashaka amajyambere, turashaka umutekano, turashaka ubumwe. Abanyarwanda twagize amateka arimo kudutandukanya ariko ubu turubaka amateka y’ubumwe. Ibyo rero ni umuco FPR yadutoje Abanyarwanda bose bamaze kugeraho nibyo bizatugeza kure.”

Kagame yongeyeho ko Abanyarwanda bataremewe gusigara inyuma ahubwo ko nabo bagomba gukora bagatera imbere nk’uko ibindi bihugu byagiye bibigeraho. Ku bwe icy’ingenzi ni ukwima umwanya politiki mbi ari iyo ituma iterambere ry’Abanyarwanda ridindira.

“Ntabwo Imana yaturemeye kuba abatindi, hari ujya abyiyumvamo? Ngira ngo birumvikana. Abandi se bageze kure mu iterambere uribwira ngo Imana yarababereye kurusha uko ikunda u Rwanda? Ntabwo ari byo. Ariko u Randa turi aho turi, ndetse n’igice kinini cya Afurika kubera politiki mbi mu mateka yacu. “

Yagereranyije akarere ka Huye k’ubu nuko yagasanze ubushize, ahamya ko kuri ubu hari ibikorwa by’amajyambere byakozwe n’ibiri gusobwa ubu, abizeza ko hari n’ibindi byinshi biri kuza mu minsi iri imbere.

Uyu mukandida umaze imyaka 17 ayobora u Rwanda, yagiriye inama urubyiruko kubyaza umusaruro amahirwe ruhabwa na Leta.

Ati “ Rubyiruko rero, nkumi n’abasore iyi myaka 23 ishize twubaka u Rwanda rushya icyo twakomeje gushyira imbere ni ukubaka urubyiruko ari zo ngufu z’igihugu, amahirwe rero arahari icya ngombwa ni uguhitamo kuyafata no kuyakoresha neza. Iyo utayakoresheje, andi akaza ntuyakoreshe ubutaha urayategereza ntuyabone ariko iyo ukoresha amahirwe ufite n’ayandi araza.”

Yasabye abaturage ba Huye kuzatora neza ku ya 4 Kanama 2017, bakihitiramo uzabageza kuri byinshi bagendeye ku byo babonye mu myaka ishize.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE