2017-09-25 08:13:20 clouds 27o High | Kigali Rwanda

Dukurikire:
 
 

CHAN 2018: Amavubi yihagazeho anganya na Tanzania

Yanditswe na IMVAHO NSHYA

Kuya 2017-07-16 07:07:28

 
Share on:
 
Yasuwe:112
 
Yavuzweho:200
 
10
 
10

Ikipe y’igihugu y’u Rwanda “Amavubi” yaraye yitwaye neza mu mukino ubanza mu gushaka itike ya CHAN 2018 inganya na Tanzania igitego 1-1, umukino wabereye i Mwanza muri Tanzania.

Amavubi ni yo yabonye igitego cya mbere gitsinzwe na Nshuti Savio ku munota wa 17 w’umukino naho igitego cya Tanzania gitsindwa na Himid Mao Mkami ku munota wa 34 kuri penaliti itavuzweho rumwe dore ko abakinnyi b’u Rwanda bagaragaje ko Rucogoza atigeze akora ku mupira.

Nyuma y’uyu mukino ubanza, tariki 22 Nyakanga 2017 hazaba umukino wo kwishyura uzabera kuri Sitade ya Kigali i Nyamirambo.

JPEG - 172.3 kb
Amavubi afite amahirwe yo gukomeza

Ibi byongeye kuba nko mu mwaka wa 2010 ubwo ikipe y’u Rwanda yabonaga itike yo kwitabira CHAN 2011 ku nshuro ya mbere.

Umukino ubanza wabereye muri Tanzania aya makipe yanganyije igitego 1-1 naho umukino wo kwishyura Amavubi atsinda igitego 1-0 cyatsinzwe na Nyombayire Albert.

Ubu Amavubi ariko naramuka asezereye Tanzania azajya mu cyiciro cya gatatu ari na cyo cya nyuma aho azahura n’ikipe izatsinda hagati ya Uganda na Sudani y’Amajyepfo.

Umukino ubanza kuri aya makipe wabereye muri Sudani izi kipe zanganyije 0-0.

CHAN 2018 izabera muri Kenya igiye kuba ku nshuro ya 5, u Rwanda rukaba rumaze kwitabira inshuro 2, muri 2011 ndetse no muri 2016 ubwo yaberaga mu Rwanda.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE