2017-09-21 09:07:12 clouds 27o High | Kigali Rwanda

Dukurikire:
 
 

Rubavu: 2010-2017: Abaturage begerejwe ibigo nderabuzima bisaga 10

Yanditswe na IMVAHO NSHYA

Kuya 2017-07-15 13:33:39

 
Share on:
 
Yasuwe:48
 
Yavuzweho:200
 
10
 
10

Abaturage bo mu karere ka Rubavu barishimira ko muri iyi myaka 7 ishize bungutse ibigo nderabuzima bisaga 10, magingo aya ikibazo cyo kwivuriza kure kikaba cyarakemutse.

Ibikorwaremezo byorohereza abaturage kwivuriza hafi, ni kimwe mu bikorwa by’indashyikirwa abaturage bo mu mirenge 12 igize akarere ka Rubavu bashimira Perezida wa Repubulika Paul Kagame muri iyi myaka 7 ishize.

Mu mwaka wa 2011, muri aka karere habarurwaga ibigo nderabuzima bine gusa, none mu myaka 7 gusa hiyongereyeho ibindi 10, bakabibonamo igikorwa cy’indashyikirwa bakesha imiyoborere myiza yatejwe imbere na Perezida Paul Kagame.

JPEG - 75.8 kb
Mu karere ka Rubavu nta muturage ugikora urugendo runini ajya kwivuza

Abaturage bo muri aka karere babwiye Imvaho Nshya ko bakurikije uburyo mbere baremberaga mu ngo zabo, ubu bakaba bivuriza hafi, babona Perezida Kagame akwiye gukomeza kwihutisha iri terambere, ari nayo mpamvu biyemeje kumutora 100%.

Mugwaneza Jolie wo mu murenge wa Nyakiriba, yagize ati “Kera twaremberaga mu ngo, twajya kwivuza tugakoresha urugendo rurerure, abagore bamwe babyariraga mu nzira, hari n’abapfiraga mu ngo, rimwe na rimwe twivuzaga magendu, ndetse tukajya no kwivuriza Kongo.

Ubu si ko bikimeze kuko mu myaka irindwi gusa twubakiwe ikigo nderabuzima, duhabwa na Poste de santé. Ni ibyiza dukesha Perezida wa Repubulika ukunda abaturage, kandi ibi yari yarabidusezeranyije.”

Umuyobozi w’akarere ka Rubavu Sinamenye Jeremie, ahamya ko kuva kera aka gace kabagamo ibigo nderabuzima bitarenze bine, aribyo Busasamana, Gisenyi, na Kigufi hakiyongeraho ibitaro bya Gisenyi, ariko ubu bikaba byariyongereye cyane.

Yagize ati “Mu myaka irindwi gusa twabashije kubaka ibigo nderabuzima ari byo Bugeshi, Mudende, Kanzenze, Nyakiriba, Nyundo, Rubavu hubatswe ibigo bibiri, Cyanzarwe naho bibiri, Nyamyumba, Gisenyi, Busigari, ubu tukaba turi kubaka ikindi mu murenge wa Rugerero ku buryo muri buri murenge byibura hari ikigo nderabuzima na Poste de santé.”

Umuyobozi w’akarere ka Rubavu yakomeje atangaza ko uretse ibigo nderabuzima na Poste bishya byubatswe, babashije no gusana ibyari bishaje, nk’ibitaro bikuru bya Gisenyi, Kanama ndetse na Karambo.

Ibi ngo bikaba byaragabanyije ku buryo bugaragara ibibazo by’ubuzima byari byugarije abaturage, birimo kwivuriza kure no kongera serivisi nziza.

Dr Kanyakore William, umuyobozi w’ibitaro bya Gisenyi, we yagize ati “Ukwiyongera kw’ibigo nderabuzima ndetse no kwagura ibitaro bikuru bya Gisenyi, byatumye Hahinduka byinshi. Urugero ni uko twabonye laboratwari igezweho ku buryo abarwayi batakijya gushakira ibizamini Kigali no mu mahanga.

Twari dufite materinite, ibitaro by’abana ndetse n’abana bavuka badashyitse, ariko inyubako yuzuye ifite ubushobozi bwo kuzajya yakira abasaga 400 mu gihe twakiraga abasaga 100 gusa. Ibi byose tubikesha ubuyobozi bwiza.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE