2017-09-22 08:28:25 clouds 27o High | Kigali Rwanda

Dukurikire:
 
 

Kagame yasezeranyije Abanyarwanda kwihuta mu iterambere

Yanditswe na IMVAHO NSHYA

Kuya 2017-07-15 10:23:47

 
Share on:
 
Yasuwe:53
 
Yavuzweho:200
 
10
 
10

Umukandida w’Umuryango FPR-Inkotanyi, Paul Kagame, atangariza Abanyarwanda ko icyo Umuryango FPR-Inkotanyi ahagarariye wiyemeje ari ukwihuta no kugera kure mu iterambere ariko ufatanyije n’abandi Banyarwanda.

Ibi Paul Kagame, umukandida wa FPR-Inkotanyi ku mwanya w’umukuru w’Igihugu, yabitangaje ubwo yiyamamarizaga mu karere ka Nyanza ejo hashize tariki ya 14 Kanama 2017, ahari abantu basaga ibihumbi 130.

Yashimiye abaturage bifatiye icyemezo cyo gusaba bakanatora referandumu, bityo akaba yiteguye gufatanya n’Abanyarwanda kugira ngo abantu bagere kure hashoboka mu iterambere. Ati “Abanyuranya n’ibyo bakwiye kuba babona ko bazabihomberamo kuko bahatakariza amafaranga gusa”.

Paul Kagame avuga ko buri Munyarwanda inyungu z’amajyambere zigomba kumugeraho, kandi ko bidakorwa hagamijwe gushimwa n’uwo ari we wese.

Ati “Igihugu gihagaze neza, turifuza ko birushaho, ibyo dukora byose ni ku nyungu n’ineza by’abaturage bacu, abatanga amanota, abanenga ibitabareba, ndetse n’abandika, baratakaza umwanya wabo, twe mureke dukoreshe umwanya wacu mu kwiyubaka no kubaka igihugu, twubake n’urubyiruko bige bunguke ubumenyi, buri Munyarwanda agirire mugenzi we ikizere, byose nibikorwa hazavamo imbaraga zizadufasha kugera kure”.

Ku bavuga ko nta demukarasi iri mu gihugu, Kagame asanga nta cyo bakoze uretse gupfusha ubusa umwanya wabo kuko muri demokarasi, ikiza mbere ari icyifuzo cy’abaturage n’ibyo bungukiramo uko babyiyumvamo, uko babishaka, hagafatwa icyemezo cya benshi cyubahiriza uburenganzira bwabo.

Ubuhamya bwa Mukashema Grace, umuhinzi witeje imbere ashingiye ku miyoborere myiza, avuga ko yifatanyije n’abanyamuryango 35 bahinga imboga mu gishanga cya Nyanza.

Ati “Twiteje imbere, norora amatungo magufi, ubu Girinka yampaye inka ikamwa litiro 12. Mba mu nzu nubatse nziza”.

Avuga ko yavuye mu cyiciro cya mbere cy’ududehe akaba ageze mu cya kane, ndetse ku buryo ubu yarangije kaminuza mu ishami ry’icungamari, mu gihe yatangiye kwiga afite hejuru y’imyaka 36.

Ahamya ko biteguye gushyigikira no gufata neza ibikorwa remezo bagejejweho birimo nk’amazi, imihanda myiza n’ibindi bikorwa byatumye biteza imbere.

Uwacu Julienne ushinzwe ibikorwa byo kwamamaza Umukandida wa FPR-Inkotanyi ku rwego rw’igihugu, avuga ko bimwe mu byo umuryango wabakoreye harimo umusingi ukomeye wo kubanisha Abanyarwanda no kubasubiza umuco wari waratakaye, inka bahawe, ndetse n’uruganda bahawe rubafasha gutunganya umukamo w’amata, ubuhinzi bukorerwa ku materasi, inkunga ya nkunganire bahabwa igatuma umusaruro wiyongera, imihanda ibafasha guhahirana n’utundi turere bakesha politiki nziza, begerejwe amashuri ubu bariga, n’ibindi.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE