2017-11-23 18:23:19 clouds 27o High | Kigali Rwanda

Dukurikire:
 
 

Amatora 2017: Kwiyamamaza byatangiye

Yanditswe na IMVAHO NSHYA

Kuya 2017-07-14 05:45:30

 
Share on:
 
Yasuwe:479
 
Yavuzweho:200
 
10
 
10

Uyu munsi ku wa 14 Kanama 2017 ni bwo kwiyamamaza kw’abakandida ku mwanya wa Perezida wa Repubulika byatangiye, amatora akazaba ku wa 3 Kanama ku Banyarwanda baba mu mahanga no ku wa 4 Kanama 2017 ku baba mu gihugu.

Umukandida w’Umuryango FPR-Inkotanyi, Paul Kagame, aratangirira kwiyamamaza mu turere twa Ruhango na Nyanza. Ni mu gihe uyu Muryango uvuga ko imbaraga zawo zishingiye ku baturage, bityo umukandida wawo akaba azagera ku baturage mu turere twose tw’u Rwanda, nk’uko byatangajwe na Ngarambe Francois, Umunyamabanga Mukuru wa FPR-Inkotanyi.

JPEG - 72.6 kb
Perezida Kagame umukandida w’Umuryango FPR-Inkotanyi

Muri rusange, ibyo FPR-Inkotanyi izibandaho mu gihe kiri imbere umukandida wayo yongerewe kugirirwa icyizere mu matora, ni ugukomeza kubaka ubukungu butajegajega, gukomeza guteza imbere imibereho myiza y’Abanyarwanda, urubyiruko ruzakomeza kongererwa imbaraga kuko ari bo maboko y’igihugu, ndetse n’abagore bakazakomeza gushyigikirwa no gutezwa imbere, n’izindi ngingo zigamije kubaka ubukungu bw’igihugu n’abagituye.

JPEG - 27.7 kb
Mpayimana Philippe, umukandida wigenga

Ku munsi w’ejo tariki ya 15 Kanama 2017, umukandida wa FPR-Inkotanyi, Paul Kagame, aziyamamariza mu turere twa Nyaruguru na Gisagara. Ni mu gihe abandi bakandida ku mwanya wa Perezida, uwigenga, Mpayimana Philippe, we ahera kwiyamamaza kwe mu karere ka Bugesera, naho Dr. Frank Habineza wo mu ishyaka rya ‘Democratic Green Party of Rwanda’ agahera mu karere ka Rusizi. Kwiyamamaza bizasozwa ku itariki ya 3 Kanama 2017.

MUGABO LAMBERT

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE