2017-11-18 15:01:27 clouds 27o High | Kigali Rwanda

Dukurikire:
 
 

AS Kigali yaguze abakinnyi 7 ariko iracyafitiye ideni abari bayisanzwemo

Yanditswe na IMVAHO NSHYA

Kuya 2017-07-12 13:24:34

 
Share on:
 
Yasuwe:438
 
Yavuzweho:200
 
10
 
10

Ubuyobozi bw’ikipe y’umujyi wa Kigali “AS Kigali” buravuga barimo kubaka ikipe igomba gutwara igikombe byanze bikunze mu mwaka w’imikino 2017-2018.

Kuri ubu iyi kipe imaze kugura abakinnyi 7 barimo Frank Kalanda ukomoka muri Uganda, Ndarusanze Jean Claude wakiniraga LLB Academic i Burundi, hari kandi Nshuti Dominique Xavio wakiniraga Rayon Sports, Ngandu Omar wakiniraga APR FC, Ngama Emmanuel wavuye muri Mukura, Mbaraga Jimmy wavuye muri Marines FC na Ishimwe Kevin wavuye muri Pepiniere FC .

Aba bakinnyi baje biyongera ku bakinnyi 25 bari basanzwe muri iyi kipe bivuze ko ubu bafite abakinnyi 32 gusa ubuyobozi bw’iyi kipe bukaba buvuga ko bagomba kugira abakinnyi bamwe basezererwa cyane abiganjemo abanyamahanga.

JPEG - 81.9 kb
Umukinnyi mushya wa AS Kigali, Frank Kalanda ari kumwe n’umutoza Nshimiyimana Eric

Umunyamabanga mukuru wa AS Kigali akaba n’umugizi w’iyi kipe, Nshimiye Joseph atangaza ko baguze abakinnyi bakomeye mu rwego rwo gushaka igikombe bakaba baranabibwiye umutoza wabo Nshimiyimana Eric wanagize uruhare mu kugura aba bakinnyi. Mu gihe bidakunze uyumutoza akaba ashobora gusezererwa.

Abakinnyi hafi 15 bafitiwe ideni

Ikipe ya AS Kigali ishobora gukoresha miliyoni zirenga 100 kuko kugeza ubu n’ubwo imaze kugura abakinnyi bashya 7, abakinnyi bagera hafi kuri 15 bamaze umwaka bakinira iyi kipe ku ideni uko itigeze ibaha amafaranga yo kubagura “Frais de recrutement” nyuma gusinya amasezerano y’imyaka 2 kuva muri 2016.

Aba bakinnyi barimo Kayumba Soter, Bishira Latif, Nkomezi Alexis, Mutijima Janvier, Ndayisaba Hamidou, Nsabimana Eric, Tubane James, Bate Shamiru, Iradukunda Eric, Ntwali Evode, Ntamuhanga Tumaini Titi, Ndahinduka Michel na Ndaaka Fred.

Uretse aba bakinnyi hari abandi batakibarizwa muri iyi kipe ariko bagiye batishyuwe barimo Kabura Mohamed wakiniraga Pepiniere FC, Ndayishimiye Yusuf Kabishi na Bukuru Hassan bivugwa ko yagiye muri Amerika.

Aba bakinnyi bose bakaba bagomba kwishyurwa amafaranga agera hafi kuri miliyoni 60.

Nshimiye anavuga ko aba bakinnyi babasobanuriye ko bagomba kuyahabwa ku mafaranga y’ingengo y’imari y’umwaka wa 2017-2018 azatangwa n’umujyi wa Kigali muri uku kwezi kwa Nyakanga 2017.

N’ubwo rimwe na rimwe kumenya amafaranga agenda ku bakinnyi mu makipe yo mu Rwanda bigora, ariko ukurikije gahunda ya AS Kigali ishobora gukoresha arenga miliyoni 100 igura abakinnyi bashya ndetse inishyura abari bahasanzwe. Kuri aya hakaziyongeraho imishahara, uduhimbazamushyi ndetse no gutegura imikino kugeza shampiyona irangiye. Ibi bishobora kuzatuma iyi kipe intego yihaye z’igikombe itakigeraho.

Iyi kipe ya AS Kigali ifite ibikombe biri by’Amahoro, icyo yatwacye ikitwa Le Les Citadins FC muri 2001 ndetse n’icyo yegukanye yarabaye AS Kigali muri 2013.

BIZIMANA ERIC
na
BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE