2017-12-12 14:14:08 clouds 27o High | Kigali Rwanda

Dukurikire:
 
 

Inka 292 450 zimaze gutangwa muri Girinka yatangijwe na Kagame

Yanditswe na IMVAHO NSHYA

Kuya 2017-07-12 06:34:18

 
Share on:
 
Yasuwe:98
 
Yavuzweho:200
 
10
 
10

Ikigo cy’igihugu gishinzwe guteza imbere ubuhinzi n’ubworozi, RAB, kigaragaza ko Kuva gahunda ya Girinka yatangizwa na Perezida Paul Kagame mu mwaka wa 2006, inka zigera ku 292 450 ari zo zimaze gutangwa.

Gahunda ya Girinka yatangijwe igamije kugabanya igipimo cy’imirire mibi mu bana, haharanirwa no kuzamura ubukungu ku bahinzi bakiri hasi ndetse no gusubiza ibyifuzo by’ibanze mu bice by’igihugu bifite ikibazo cy’imirire.

Mu kiganiro yagiranye kihariye n’Imvaho Nshya, umuyobozi ushinzwe ishami ry’ubworozi muri icyo kigo, Dr Kanyandekwe Christine, yavuze ko muri iyi gahunda hamaze gutangwa inka 292 450.

JPEG - 314.5 kb
Inka zitangwa muri gahunda ya Girinka zongereye umukamo w’amata, ndetse n’ifumbire ikoreshwa n’abahinzi (Foto James R.)

Avuga ko izi nka zatumye umubare w’inka ziboneka mu gihugu hose wiyongera, zirazamuka zigera kuri 1 400 000.

Dr. Kanyandekwe kandi avuga ko gahunda ya Girinka yagize uruhare mu kongera umusaruro w’umukamo w’amata mu gihugu.
Yerekana ko mu mwaka wa 2010 umukamo w’amata wari kuri Toni 372 619 ubu muri 2017 ukaba ugeze kuri Toni 770 130.

Amata anyobwa kuva iyi gahunda ya Girinka yatangizwa yariyongereye aho umuntu umwe yabarirwaga litiro 37,3 ku mwaka, ubu umuntu akaba abarirwa kunywa litiro 63 ku mwaka.

Dr. Kanyandekwe asobanura ko bigaragaza ko Abanyarwanda bagenda bagira umuco wo kunywa amata kandi intego ihari ni iy’uko uwo mubare uzamuka akagera kuri litiro 120 ku mwaka.

Girinka ntiyongereye gusa amata anyobwa n’Abanyarwanda, ahubwo yazamuye ubuhinzi binyuze mu kongera ifumbire.

JPEG - 392.9 kb
Gahunda ya Girinka iragenda igera ku ntego yo guhindura imibereho y’Abanyarwanda, bakabaho neza, bakihaza, bagatera imbere (Foto James R.

Iyi gahunda kandi yahinduye ubuzima bw’abatuye ibice by’icyaro, igabanya ubukene, ikemura ikibazo cy’imirire mibi kandi izamura ubukungu mu miryango.

Inka zitangwa muri gahunda ya Girinka zinyuzwa nzego zitandukanye harimo izitangwa na Leta binyuze mu mafaranga yoherezwa mu turere (Earmarked Transfert), hakaba izitangwa n’abandi bafatanyabikorwa harimo imishinga y’abikorera.

Hari n’izitangwa n’abakozi mu nzego zitandukanye, n’abantu ku giti cyabo .

SEZIBERA ANSELME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE