2017-09-21 09:07:12 clouds 27o High | Kigali Rwanda

Dukurikire:
 
 

Perezida Kagame yagiriye uruzinduko muri Isiraheli

Yanditswe na IMVAHO NSHYA

Kuya 2017-07-10 06:05:15

 
Share on:
 
Yasuwe:460
 
Yavuzweho:200
 
10
 
10

Perezida w’u Rwanda , Paul Kagame ari mu ruzinduko rw’iminsi ibiri mu gihugu cya Isiraheli, aho biteganyijwe ko kuri uyu wa Mbere ahura na Minisitiri w’Intebe, Benjamin Netanyahu na Perezida Reuven Rivlin.

Umuvugizi wa Minisiteri y’Ububanyi n’Amahanga ya Isiraheli, Emmanuel Nahshon, n’Umuyobozi mukuru wungirije ushinzwe Afurika muri iyo Minisiteri, Yoram Elron, babinyujije kuri Twitter batangaje ko Perezida Kagame n’Umufasha we Jeannette Kagame bageze muri icyo gihugu ku cyumweru.

Minisitiri w’Intebe, Benjamin Netanyahu nawe yagiriye uruzinduko mu Rwanda muri Nyakanga, umwaka ushize; naho Perezida Kagame yaherukaga muri Isiraheli muri 2013. Muri Werurwe, yabaye umukuru w’igihugu cya Afurika wa mbere utanze ikiganiro mu nteko rusange uharanira inyungu rusange za Isiraheli, AIPAC.

Icyo gihe yavuze ko u Rwanda ari inshuti idashidikanywaho ya Isiraheli, ndetse ashimangira ko icyo gihugu gifite uburenganzira n’ubushobozi bwo kubaho nk’ibindi bihugu.

Umubano w’u Rwanda na Isiraheli umaze igihe kirekire dore ko watangiye u Rwanda rukibona ubwigenge. Waje gusubikwa mu gihe cy’imyaka ikabakaba 20, ukaza gusubukurwa mu 1994.

Ambasade y’u Rwanda muri Isiraheli yafunguye imiryango muri 2015. Ibi bihugu bifitanye umubano ushingiye kuri politiki, dipolomasi, uburezi n’izindi nzego z’iterambere.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE