2017-09-25 08:13:20 clouds 27o High | Kigali Rwanda

Dukurikire:
 
 

P.S Imberakuri yitandukanyije na Diane Rwigara, abayoboke bayo ntibamusinyiye

Yanditswe na IMVAHO NSHYA

Kuya 2017-07-09 10:03:05

 
Share on:
 
Yasuwe:136
 
Yavuzweho:200
 
10
 
10

Perezida w’ishyaka P.S Imberakuri, Mukabunani Christine, yatangaje ko ishyaka ayoboye ritigeze ritanga urutonde rw’amazina y’abarwanashyaka baryo kugira ngo akoreshwe na Diane Shima Rwigara washakaga kuba umukandida ku mwanya wa Perezida wa Repubulika, akaza kuvanwa ku rutonde rw’abemerewe kuko atujuje ibyangombwa bisabwa na Komisiyo y’Igihugu y’Amatora (NEC).

Mu kiganiro n’itangazamakuru ejo hashize tariki ya 8 Nyakanga 2017, Mukabunani, yavuze ko kwitandukanya n’ayo makuru byaturutse ku mazina y’abarwanashyaka babo yagaragaye muri komisiyo y’amatora ko yifashishijwe na Shima Diane Rwigara, ashaka kuba umukandida ku mwanya wa Perezida kandi ba nyir’ubwite bahakana ko batamusinyiye ubwo yashakaga imikono y’abantu 600 mu gihugu bamushyigikiye.

Mukabunani ati “Ishyaka P.S Imberakuri riratangaza ko ritigeze ritanga urutonde rw’abarwanashyaka baryo basinye ishyaka rishingwa kugira ngo uwashakaga kuziyamamaza witwa Diane Rwigara Shima arukoreshe.”

JPEG - 250.3 kb
Christine Mukabunani, Perezidante w’ishyaka P S Imberakuri (Foto James R)

Ishyaka P.S Imberakuri ryasobanuye ko tariki ya 11 Kamena 2017, mu nama rusange y’ishyaka ryatangaje ko nta mukandida rizatanga ku mwanya wo kwiyamamariza kuba Perezida wa Repubulika kandi ko nta n’uwo bazashyigikira kimwe n’uko nta n’uwo bazamamaza nk’ishyaka ariko batabujije umurwanashyaka uburenganzira bwe mu gushyigikira uwo ashaka.

Iri shyaka rivuga ko rigishakisha amakuru y’uwatanze amazina y’abarwanashyaka baryo cyangwa ahandi Diane Rwigara yayakuye akayakoresha mu buryo butemewe, ryavuze ko uwo bizafata ashobora kuzagezwa mu nkiko agakurikiranwa n’amategeko.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE