2017-09-24 09:25:05 clouds 27o High | Kigali Rwanda

Dukurikire:
 
 

Rulindo: Ibyo Kagame yabemereye byagezweho 100%

Yanditswe na IMVAHO NSHYA

Kuya 2017-07-08 15:34:48

 
Share on:
 
Yasuwe:107
 
Yavuzweho:200
 
10
 
10

Muri manda y’imyaka 7 ishize ya Perezida Paul Kagame, ibyo yasezeranyije abaturage bo mu karere Rulindo byagiye bigerwaho 100% ndetse hakaba hari n’aho byarenze.

Mu bukungu, mu Karere ka Rulindo hubatswe imihanda ya kaburimbo ya kilometero 9, mu gihe imihanda ya kaburimbo yasanwe ireshya na kilometero 42. Hubatswe imiyoboro y’amazi meza ireshya na kilometero 836,79, hakorwa amaterasi y’indinganire angana na hegitare 4 000 mu gihe byari biteganyijwe ko hakorwa 3 961,08.

Muri aka karere, hakozwe imihanda ifasha abaturage kugeza umusaruro ku masoko ahahanzwe ireshya na kilometero 101, mu gihe kongera amashyamba hari hateganyijwe hegitari 4 000, amashyamba yatewe angana na hegitari 7 854, naho kubaka ibigega bihunika imyaka hari hateganyijwe ibigega 10 ariko hakozwe 7. Mu karere ka Rulindo hatanzwe umuriro w’amashanyarazi ku midugudu na santere 56 z’ubucuruzi.

JPEG - 520.5 kb
Mu karere ka Rulindo hakozwe amaterasi y’indinganire angana na hegitare 4 000, akaba ari kimwe mu byafashije abaturage kurwanya inzara, hongerwa umusaruro

Mu rwego rwo guteza imbere abikorera, hubatswe inzego z’abikorera kugera ku kagari, hakozwe imishinga ihuriweho n’inzego z’abikorera, hakorwa n’ibiganiro bihuza abikorera n’inzego za Leta.

Naho mu rwego rwo kurwanya ubukene hakoreshejwe gahunda ya VUP, kuva 2010 kugera 2017 ingo 19 914 zahawe inkunga y’ingoboka, ingo 22 014 zatanze abakozi mu mirimo rusange, mu gihe kuva 2010 kugera 2016 imishinga 1 375 yatewe inkunga ingana n’amafaranga 548 661 867 muri gahunda y’inguzanyo. Mu budehe, umubare w’ingo zagezweho na gahunda y’ubudehe zingana na 30 337.

Muri gahunda ya Girinka yatangijwe na Perezida Paul Kagame, muri aka karere hatanzwe inka 10 565 hubakwa amakusanyirizo 6 y’amata mu Mirenge ya Ngoma, Rukozo, Ntarabana, Base na Bushoki.

Mu guteza imbere ikoranabuhanga abaturage 18 764 bahawe amahugurwa y’ikoranabuhanga, muri buri murenge hari ahantu hafasha abaturage guhabwa servise z’ikoranabuhanga ari zo ‘telecentre’, ibyumba mpuzabwenge, nta muturage utabasha kwitaba telefone kubera ko hari iminara 13 mu gihe buri murenge ufite umuntu utanga servise z’irembo.

Mu gihe cy’imyaka 7 harangijwe inyubako ya ‘Guest house’ ya Shyorongi. Hahujwe ubutaka kuri hegitari (ha 47 927 (ibigori kuri ha 10 000, ingano kuri ha 2,027, ibishyimbo kuri ha 28 628, amashaza kuri ha 300, ibirayi kuri ha 3 500 n’imyumbati kuri ha 600).

Mu bishanga, hatunganyijwe ha 577 mu cya Nyarububa, Bahimba hatunganywa ha 327 naho Yanze ha 70. Ubuso bwuhiwe ni ha 5 605 naho ubuso bwahinzwe ikawa ni ha 2 202,2.

Ubuso bwahinzwemo icyayi ni ha 1 280, hahinzwe stevie kuri hegitari 74, indabo zihingwa kuri ha 18, ijanisha mu gukoresha ifumbire mvaruganda ni 70%, ijanisha mu gukoresha ifumbire y’imborera mi 100%, inka zatewe intanga ni 14 842.

Hubatswe ibagiro rimwe ryubatswe mu Murenge wa Shyorongi, ahagurishirizwa inyama mu miringe ya Gasiza na Bushoki, hubakwa amakusanyirizo y’imboga 5 mu Mirenge ya Gasiza, Gako, Rusiga, Gisha na Kiruri.

Ibyagezweho mu mibereho myiza

Mu karere ka Rulindo hongerewe umubare w’ibigo nderabuzima, biva kuri 15 ubu bigera kuri 21, hubatswe 6 bishyirwamo ibikoresho bihagije. Hari amavuriro y’ingoboka 8 mu gihe mbere nta n’imwe yahabaga, mu mwaka wa 2010 hari ibitaro 1 ubu hari bibiri, ubwisungane mu kwivuza muri 2010 byari 76% kuri ubu ni 88%, hongerewe abaganga 57 na ho abadogiteri ni 13, hubatswe ibyumba by’amashuri 755 mu mirenge 17.

Mu myaka 7 ishize mu ishuri ntangarugero rya Kinini (Inyange Girls Schools of Sciences) hongerewe inyubako no gushyira ibikoresho mu ishuri, hubatswe ishuri ry’amagorofa abiri, ibyumba byo kuraramo n’ibikoresho, hatanzwe mudasobwa ngendanwa 6 570 muri gahunda ya mudasobwa kuri buri mwana mu mashuri abanza.

Mu miyoborere myiza hubatswe ikigo ndangamuco cya Rulindo mu murenge wa Rusiga, mu gihe kubaka sitade ya Shyorongi mu cyiciro cya mbere hakozwe ikibuga, hashyirwaho tapi, urwambariro, ubwiherero, kugura imashini izajya icanira ikibuga byarakozwe, hakaba hasigaye kubaka ‘tribune’, igipangu (cloture) no gushyiraho amatara byashyizwe mu ngengo y’imari ya 2018-2019.

Ibindi bigo ndangamuco byubatswe mu murenge wa Shyorongi ni kimwe ariko hakaba hakinozwa uko cyakoreshwa, mu murenge wa Buyoga inyubako yarubatswe ariko haracyanozwa uko yakoreshwa, mu gihe mu murenge wa Base inyubako yamaze kubakwa ariko hakaba hakinozwa uko yazakoreshwa.

Umuyobozi w’Akarere ka Rulindo Kayiranga Emmanuel yavuze ko bagerageje gukora neza haba mu bukungu, imibereho myiza, imiyoborere n’ubutabera. Yagize ati “Nk’uko bigaragara hose twakoze neza kandi ibi bikorwa biruzuzanya, mu bukungu twakoze neza kandi kugira ngo imibereho y’Abanyarwanda ikomeze gutera imbere, ni uko tuzakomeza gushyira imbaraga mu guteza imbere ubukungu.”

BASANDA NS OSWALD

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE