2017-09-21 09:07:12 clouds 27o High | Kigali Rwanda

Dukurikire:
 
 

Musanze:Abasaga 80 bahoze muri FDLR basubijwe mu buzima busanzwe

Yanditswe na IMVAHO NSHYA

Kuya 2017-07-07 14:44:41

 
Share on:
 
Yasuwe:74
 
Yavuzweho:200
 
10
 
10

Ikigo gishinzwe gusubiza mu buzima busanzwe abitandukanyije n’imitwe yitwara gisirikare cya Mutobo cyasoje amasomo y’amezi atatu yahabwaga abahoze mu mutwe wa FDLR bagera kuri 83, abasoje amasomo bakaba baragaragaje ko amasomo bahawe yabakuyemo ibibi byose byari bibarimo, ubu bakaba batashye ari bazima.

Sergent Bayavuge Frederec, wabarizwaga muri FDLR mu mashyamba ya Kongo, yagize ati “Ubu maze imyaka irenga 20 mu mashyamba, mfite imyaka 46 y’amavuko, nta mwana, nta mugore, nta nzu, nta sambu, usibye uburwayi nasutswemo bw’ingengabitekerezo, nkizera ko nzataha ku masezerano, iyi myaka yose namaze naranzwe no kumva nakwikiza uwo tutavuga rumwe nkamwica, urumva rero ubwo burwayi bwose natewe n’abayobozi babi; kuri ubu muri iki kigo cya Mutobo ni ho twivuriza, ni ho tuvana umuti w’ubumwe n’ubwiyunge, ni ho twigira kubana neza n’abandi.

Twigishijwe uburyo bwo kubana n’abandi mu mahoro, uburenganzira bwa muntu, agaciro ke n’uburenganzira bwe n’ibindi, ndifuza rwose ko abakiri mu mashyamba bataha kandi bagafata kuri aya masomo atuma dusubira mu gihugu cyacu dutuje.”

JPEG - 407.6 kb
Sergent Bayavuge avuga ko yari arambiwe ubuzima bwo mu ishyamba (Foto Ngaboyabahizi P)

Akomeza avuga ko mu myaka 20 ari mu mashyamba ya Kongo ngo bamubwiraga ko u Rwanda rutagendwa, nyamara ariko ngo si ko yabibonye, ahubwo yasanze igihugu cyarahindutse nka ‘paradizo’.

Umukozi wa Komisiyo y’igihugu yo gusubiza ingabo mu buzima busanzwe, Nyamurangwa Fredy, yagize ati “Iki cyiciro cya 60, gisojwe n’abahoze mu mitwe yitwaje intwaro mu mushyamba ya Kongo bagera kuri 83, ni abasore, ntibari bazi gusoma no kwandika kuri benshi, babura bate kuvuga se ko bavuye ku ivuriro kandi bazutse.

Tubigisha kwihangira imirimo, tubigisha gusoma no kwandika, bamaze igihe kirekire mu mashyamba babaho mu buzima bubi, bageze mu gihugu cyabo, none ni amahoro bararya bakaryama, ni byinshi bavuga bituma barazutse.”

Yakomeje agira ati “Ikindi na none abenshi hariya muri Kongo bari bazi ko bazagirirwa nabi, ariko si ko babisanze, ababayoboraga bari barabagize impumyi, nyuma yo kubona ukuri nyuma y’amezi 3, bahugurwa bagenda bagarura umutima, bakanezezwa n’ibyiza babona mu Rwanda n’uko bakiriwe”.

Mu basoje ingando i Mutobo umusirikare mukuru ni ufite ipeti rya Brigadier General. Kuri ubu abamaze kunyura muri iki kigo bava mu mashyamba ya Kongo basaga ibihumbi 12.

NGABOYABAHIZI PROTAIS

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE