2017-09-23 09:22:12 clouds 27o High | Kigali Rwanda

Dukurikire:
 
 

Leta ya Uganda yaciye kwambara impenure mu kazi

Yanditswe na IMVAHO NSHYA

Kuya 2017-07-05 08:27:08

 
Share on:
 
Yasuwe:373
 
Yavuzweho:200
 
10
 
10

Guverinoma ya Uganda yasohoye amabwiriza agenga imyambarire abuza abakozi bayo kwambara impenure no kugira inzara ndende mu gihe bari mu kazi.

Minisiteri y’umurimo y’icyo gihugu yasohoye amabwiriza 14 ajyanye n’imyambarire y’abakozi ba leta. Abagabo babuzwa kwambara amapataro y’amabara menshi aryana mu maso na sandal, abagore babuzwa kwambara imipira itagira amaboko, amapataro n’amakanzu abafashe cyane n’impenure.

Abagore kandi babujijwe kwambara amaherena manini agenda atendera kwisiga ibirungo bikabije n’indi mirimbo idafashije.

The New Vision ivuga ko itangazo ryashyizweho umukono n’Umunyamabanga muri Minisiteri y’Umurimo, Catherine Bitarakwate Musingwiire rivuga ko abakozi ba leta bagomba kurangwa n’imyambarire ijyanye n’umuco w’abanya Uganda.

Dore ibyo abagore n’abakobwa bakorera leta ya Uganda babujijwe kwambara:

- Imisatsi irimo amabara, inyweri, meshi cyangwa plante
- Inkweto zitagira talon
- Imipira yerekana cyane amabere
- Ikanzu cyangwa amajipo ageze hejuru y’amavi
- Inzara zirengeje sentimetero eshatu, ziriho verni y’amabara agaragara cyane
- Ibirungo bikabije

Abagabo nabo babujijwe kwambara:

- Ipantaro zibafata cyane
- Nkweto zidafunze (keretse igihe babitegetswe na muganga
- Inkweto zitari umukara

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE