2017-11-18 15:01:27 clouds 27o High | Kigali Rwanda

Dukurikire:
 
 

Uburasirazuba:Abateza ibibazo mu burezi bibukijwe ko batazihanganirwa

Yanditswe na IMVAHO NSHYA

Kuya 2017-07-03 10:28:06

 
Share on:
 
Yasuwe:103
 
Yavuzweho:200
 
10
 
10

Abashinzwe uburezi n’abarimu baragirwa inama yo kwirinda kuzongera gukora amakosa yateza ikibazo uburezi mu ntara y’Uburasirazuba, kuko uwo bizagaragaraho azirukanwa nta nteguza, hagashakwa undi umusimbura.

Ibi ni bimwe mu byavugiwe mu nama y’uburezi iherutse guhuza Minisiteri y’uburezi, ubuyobozi bw’intara, abashinzwe uburezi, abarimu bahagarariye abandi, abayobozi b’ibigo by’amashuri biri mu ntara y’Uburasirazuba ndetse n’ababyeyi bahagarariye abandi, yabereye mu karere ka Rwamagana.

Guverineri w’intara y’Uburasirazuba Kazaire Judith, yavuze ko aba bantu bakora amakosa asebesha uburezi batazongera kwihanganirwa.

Yagize ati “Ntabwo navuga ko intara y’Uburasirazuba ari yo yiganjemo ibibazo(mu burezi) gusa ariko iyo abantu bakora biyubaka hari igihe ibyo bibazo bitabura icy’ingenzi ni uburyo duhagurukira gukemura ibyo bibazo.

Ibyo bibazo byaragaragaye tubifatira ingamba kandi tukabikurikirana, ku bijyanye n’ibihano hari inzego zibishinzwe ariko natwe dutanga ibihano by’akazi umukozi wese uzafatirwa muri ibyo bintu ubu ntazongera kwihanganirwa, mu by’ukuri ntibyakumvikana ko dushyigikira abanyabyaha akandi icyo duharanira ari imikorere inoze.”

JPEG - 219.3 kb
Abakora mu nzego z’uburezi mu ntara y’Uburasirazuba basabwe kuzuza inshingano zabo

Muri uyu mwaka intara y’Uburasirazuba ni yo yakunze kuvugwamo ibibazo mu burezi n’ubwo ahandi biba ariko iyi ntara ni yo yabaye imbarutso kugira ngo hakorwe igenzurwa mu mashuri yose mu gihugu, igenzura ryakozwe n’ikigo cy’igihugu gishinzwe uburezi, rikagaragaza bimwe mu bibazo birimo abarimu ba baringa, amanyanga mu mitangire y’akazi k’ubwarimu, n’ibindi bitandukanye.

Umunyamabanga wa Leta muri Minisiteri y’uburezi Munyakazi Isaac wari witabiriye iyi nama, yagarutse ku kibazo cy’abarimu n’abashinzwe uburezi bigira ba kagarara.

Yagize ati “Hari abantu bigize ba kagarara ngo ntibakorwaho, agakora amakosa hano kuko ngo mudashobora kumwirukana mukamwimurira ahandi, ntabwo ari byo, ubwo se aho muba mumujyanye ho akora iki kandi mwe yarabananiye, abantu bica uburezi bw’igihugu mubirukane muzane abandi abakozi bakeneye akazi ni benshi kandi barahari bize babishoboye.”

Munyakazi yakomeje asaba abayobozi ko mu gihe hari ikibazo cyagaragaye ku bigo by’amashuri abantu ba mbere bakwiye kubibazwa ari abakozi bashinzwe uburezi, haba mu murenge icyo kigo giherereyemo ndetse n’abakarere, kuko inshingano bafite ari izo gukurikirana ibibazo biri mu burezi bakabikemura, ibibasumbye bakabigeza ku nzego zibakuriye.

HAKIZIMANA YUSSUF

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE