2017-11-22 09:53:14 clouds 27o High | Kigali Rwanda

Dukurikire:
 
 

Itegeko rya FERWAFA riravuga ko Kiyovu ishobora kudakina icyiciro cya kabiri

Yanditswe na IMVAHO NSHYA

Kuya 2017-07-01 09:57:48

 
Share on:
 
Yasuwe:2106
 
Yavuzweho:200
 
10
 
10

Ubuyobozi bw’ishyirahamwe ry’umupira w’amaguru mu Rwanda “FERWAFA” buravuga ko amategeko agaragaza ko Kiyovu Sports ariyo yakina icyiciro cya mbere mu gihe Isonga FC izaba yamaze kubagezaho ibaruwa igaragaza ko itagikinnye icyiciro cya mbere.

Ni mu gihe hagiye gushira icyumweru Imvaho Nshya itangaje ko Kiyovu Sports ishobora kugaruka mu cyiciro cya mbere ku itike y’Isonga FC yazamutse ariko idafite intego zo guhangana ahubwo igomba kurerera andi makipe.

Abayobozi ba Minisiteri y’umuco na Siporo “MINISPOC” bacunga Isonga FC baravuga ko umurongo wayo wo kurera utazigera uhinduka ari nayo mpamvu hagiye kuba ibiganiro hagati ya FERWAFA na MINISPOC n’ubuyobozi bw’Isonga byo kureba niba izakina icyiciro cya mbere.

JPEG - 268.1 kb
Kiyovu Sports ishobora kuguma mu cyiciro cya mbere nyuma y’aho Isonga FC ishobora guhitamo kwigumira mu cyiciro cya kabiri

Umuyobozi wa Siporo muri MINISPOC, Bugingo Emmanuel agaragaza ko abana bakinnye mu Isonga FC y’uyu mwaka bari bato ugeraranyije n’abari mu Isonga FC ya 2011 bikaba ari nabyo bishobora gutuma itirirwa ikina mu cyiciro cya mbere.

Bugingo yagize ati ’’Gukina mu cyiciro cya mbere bihabanye na politike yo kuzamura ariko byose bizabanza biganirweho tubone gufata icyemezo cya nyuma kuko byigeze kubaho mu gihe cyashize ikajya izamuka ikongera ikamanuka ariko ab’uyu mwaka batandukanye n’ababanje kuko twari twarahereye mu myaka 15 kandi abari mu Isonga FC yabanje bari abo mu myaka 17 bakamara umwaka umwe bakajyenda. Ubwo twari twaratangiye kumanuka kandi turizera ko aba barimo nibavamo tuzongera tugafata abo hasi cyane’’.

Bugingo yongeye gutsindagira ko gukina icyiciro cya kabiri bitavuze byanze bikunze gukina icya mbere, agaragaza ariko ko banze guca intege aba bana. Anaboneraho kwihanangiriza amakipe yagura aba bana kuko batarageza imyaka 18.

Icyo amategeko ya FERWAFA ateganya

Isonga niramuka isezeye izasimburwa na Kiyovu Sports yamanutse mu cyiciro cya kabiri n’amanota 27 irusha amanota 10 Pepiniere FC yasoje ku mwanya wa nyuma.

Rutayisire Jackson, ushinzwe komisiyo y’amarushanwa asobanura ko iyo imwe mu makipe mu zamanutse yivanyemo hazamuka iyari ifite amanota menshi mu zamanutse. Uyu muyobozi yerekana ko iyo nka FERWAFA ishaka kongera amakipe akina shampiyona aribwo habaho imikino y’amajonjora ku makipe abiri n’andi abiri atarabashije kurenga ½ cy’icyiciro cya shampiyona y’icyiciro cya kabiri.

Rutayisire ati ’’Bo nibazana ibaruwa batubwira impamvu zitumye badakina icyiciro cya mbere, amategeko azakurikizwa’’.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE