2017-09-21 09:07:12 clouds 27o High | Kigali Rwanda

Dukurikire:
 
 

“Imbuto Foundation” yatangije gahunda y’abafashamyumvire ku bahungu

Yanditswe na IMVAHO NSHYA

Kuya 2017-06-30 15:21:00

 
Share on:
 
Yasuwe:118
 
Yavuzweho:200
 
10
 
10

Umuryango “Imbuto Foundation” watangije gahunda y’abafashamyumvire ku bana b’abahungu kugira ngo nabo babashe kwitabwaho bahabwa ubujyanama buzabafasha kugera ku ntego zabo.

Iyi gahunda yatangijwe kuri uyu wa 30 Kamena 2016, nyuma yo kubona ko gahunda y’abafashamyumvire yatanze umusaruro ku bana b’abakobwa barokotse Jenoside yakorewe Abatutsi mu 1994.

Abafashamyumvire bagenewe abahungu ni abantu bakuze kandi bafite ubunararibonye ku bintu bitandukanye, basanzwe bakorana bya hafi n’Umuryango “Imbuto Foundation”.

JPEG - 186 kb
Hatangizwa gahunda y’abafashamyumvire ku bahungu, uvuye ibumoso ni Constantin Rukundo, umuyobozi wa Ingego Africa Rosine Urugeni, Florentine Hategekimana na Betty Nikuze

Umuyobozi wa “Imbuto Foundation”, Umutoni Sandrine, atangiza ku mugaragaro gahunda y’abafashamyumvire ku bahungu, yasabye abo basore kuzabyaza umusaruro amahirwe bahawe.

Ati “Turifuza ko mwazabyaza umusaruro aya mahirwe yo kugira abantu bashinzwe kubaha inama zabafasha mu buzima bwa buri munsi, bazabafasha mu bintu byinshi kugira ngo muzavemo abagabo bizihiye imiryango yanyu n’igihugu cyanyu, andi mahirwe mufite ni uko mufite igihugu kibakunda.”

Abafashamyumvire banaboneyeho gusaba aba bahungu kuzabumvira kugira ngo iyi gahunda izagere ku ntego.

Umwe mu bafashamyumvire, Urujeni Rosine, yagize ati “Twese mu buzima tugira ibibazo ariko icyangombwa kiba gikenewe ku mwana ni ugutega amatwi no kwicisha bugufi.”

Bamwe mu bafashamyumvire bakoranye n’abana b’abakobwa bavuga ko iyi gahunda yagize umumaro kuko yabafashije kurushaho gutega amatwi abana barokotse Jenoside, bakanafatanya nabo mu bujyanama bubafasha kwiyumva nk’abashobora kugira icyo bigezaho.

Nikuze Betty, umwe mu bakobwa bafashijwe n’iyi gahunda akaba ari na we watanze igitekerezo cy’uko iyi gahunda yagezwa ku bahungu avuga ko byamugiriye akamaro.

Ati “Iyi gahunda yangiriye akamaro, icyo nabwira basaza bacu bahawe aba babyeyi ni uko bagomba kubumva, bakabatega amatwi, bagakurikiza inama babagira, baradufashije mu buzima bwacu ku buryo inama baduhaye uyu munsi ari zo tukigenderaho.”

Abahungu 200 bahawe abafashamyumvire, basobanuriwe ko bazafashwa cyane mu bijyanye n’ubujyanama.

Gahunda y’abafashamyumvire yatangiye mu mwaka wa 2013, iyi gahunda iri mu ntego za “Imbuto Foundation” zo kuzamura urubyiruko no kurufasha mu myumvire mu rwego rwo kugira ngo rurusheho kwiyubaka rwubaka n’igihugu.

NIYONSENGA SCHADRACK

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE