2017-09-21 09:07:12 clouds 27o High | Kigali Rwanda

Dukurikire:
 
 

Masudi yavuze icyatumye basezererwa mu gikombe cy’Amahoro

Yanditswe na IMVAHO NSHYA

Kuya 2017-06-30 08:39:42

 
Share on:
 
Yasuwe:854
 
Yavuzweho:200
 
10
 
10

Ikipe ya Rayon Sports yegukanye igikombe cy’Amahoro umwaka ushize wa 2016 yaviriyemo muri ½ cy’irangiza.

Umutoza wa Rayon Sports, Masudi Djuma yatangaje ko bazize ibintu byinshi.

Uyu mutoza yavuze ko byose byapfiriye mu mukino ubanza wa ½ aho batsindiwe i Rusizi na Espoir FC ibitego 2-0.

Masudi yagize ati “ Twahuye n’ibibazo, umukinnyi arakubwira ati ndarwaye, muganga akakubwira ati uyu ntarwaye gusa nta bwo nabyinjiramo cyane ariko iyo umwaka urangiye umukinnyi usoje amasezerano aba atekereza nzagenda ? Nzajya hehe?”.

JPEG - 235.4 kb
Umutoza wa Rayon Sports Masudi Djuma wagaragaje impamvu batageze ku mukino wa nyuma mu gikombe cy’Amahoro

Masudi avuga ko bari bihaye intego yo kwegukana igikombe cya shampiyona y’uyu mwaka ndetse banabigezeho ndetse no kugera mu matsinda mu mikino y’Afurika.

Yagize ati “Intego yari shampiyona n’amatsinda ntibyakunda, turahindura ku gikombe cy’Amahoro none ntitubigezeho ariko iyo bidakunze ubwo ni ukureba umwaka utaha, ni ukureba icyo twabuze n’icyo twakora kugira ngo tugire aho tugera”.

Masudi yishimiye ibyo yagezeho

Umutoza Masudi Djuma atangaza ko yishimira ibyo amaze kugeraho muri Rayon Sports.

Ati “Naraje dutwara igikombe cy’Amahoro twiha intego ya shampiyona turayitwara ku kinyuranyo cy’amanota kitigeze kibaho mu Rwanda, uyu mwaka nk’umutoza sinishimiye ko tuviriyemo muri ½ kuko twari dufite ubushobozi bwo kugera ku mukino wa nyuma ariko niba byagenze gutya nta bwo ureba ibiri hafi ubu ni ukureba ibiri imbere”.

Umwaka ushize wa 2016, Masudi Djuma yaje ari umutoza yungiriza, Ivan Minnaert agiye ahabwa ikipe yegukana igikombe cy’Amahoro ndetse anafite amahirwe yo kwegukana igikombe cya shampiyona ariko ntibyakunda ari na byo bibaye uyu mwaka aho yari afite amahirwe yo kwegukana n’igikombe cy’Amahoro nyuma yo kwegukana igikombe cya shampiyona.

Masudi avuga ko umwaka wa 2017-2018 bagomba kwitegura bagashaka abakinnyi basimbura abagiye kuko bazaba bafite imikino mpuzamahanga. Masudi Djuma ubu asigaranye amasezerano y’imyaka 2 muri iyi kipe.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE