2017-10-16 07:05:01 clouds 27o High | Kigali Rwanda

Dukurikire:
 
 

U Rwanda rwahagaritse itumizwa ry’ibikomoka ku nkoko mu bihugu bya Afurika y’Amajyepfo

Yanditswe na IMVAHO NSHYA

Kuya 2017-06-28 14:43:25

 
Share on:
 
Yasuwe:266
 
Yavuzweho:200
 
10
 
10

Minisiteri y’Ubuhinzi n’Ubworozi, MINAGRI, iratangaza yafashe umwanzuro wo guhagarika itumizwa ry’inkoko n’ibizikomokaho byo mu bihugu bya Afurika y’Amajyepfo nyuma y’uko hagaragaye ibicurane by’ibiguruka muri Afurika y’Epfo na Zimbabwe.

Itangazo ryashyizweho umukono na Minisitiri Dr. Mukeshimana Gerardine, risaba aborozi b’inkoko, abayobozi n’inzego z’umutekano ku mipaka no ku bibuga by’indege gukumira ibicuruzwa bijyanye n’ibiguruka biturutse mu majyepfo ya Afurika.

Minisitiri Mukeshimana yasabye aborozi b’inkoko by’umwihariko gushyira imbaraga mu kurinda ubworozi bwabo, bakirinda guhuriza inkoko n’ibiguruka mu nzu imwe, bakagira isuku ihagije mu nzu bakoreramo n’ibikoresho.

JPEG - 127.1 kb
Inkoko zo muri Afurika y’Amajyepfo ntizemerewe kugera mu Rwanda

Basabwe no gukurikirana impfu zidasanzwe zagaragara mu matungo yabo bagahita babimenyesha ubuyobozi bw’Ikigo cy’Igihugu cy’Ubuhinzi, RAB, kuri telefoni 0738503589 cyangwa 0788680333.

MINAGRI kandi yasabye aborozi, abavuzi b’amatungo, abacunga za pariki n’ibiyaga cyangwa undi muntu wese uzabona ibiguruka birenga bitanu byapfuye guhita abimenyesha RAB akoresheje izi telefoni.

Indwara y’ibicurane by’ibiguruka yari iherutse kugaragara mu gihugu cya Uganda no muri bimwe mu bihugu by’u Burayi.

Icyo gihe nabwo u Rwanda rwakumiye inkoko n’ibicuruzwa bizikomokaho byo muri Uganda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE