2017-12-11 14:03:29 clouds 27o High | Kigali Rwanda

Dukurikire:
 
 

Kenya: Ikiraro cyubakagwa n’Abashinwa cyasenyutse hashize iminsi ibiri perezida agisuye

Yanditswe na IMVAHO NSHYA

Kuya 2017-06-28 12:21:54

 
Share on:
 
Yasuwe:981
 
Yavuzweho:200
 
10
 
10

Ikiraro cyubakagwa na sosiyete y’Abashinwa mu gace ka Budalang muri Kenya hafi y’umupaka na Uganda cyasenyutse kitaruzura hashize iminsi ibiri Perezida Uhuru Kenyatta agisuye.

Icyo kiraro cyitwa Sigiri, cy’agaciro ka miliyoni 12 z’amadorali, cyubakagwa na sosiyete COCEC (Chinese Overseas Construction and Engineering Company). Icyatumye gisenyuka ntikiramenyekana ariko bikekwa ko bacyubatse bihuta kugira ngo Perezida Kenyatta asange imirimo igeze kure.

The East African ivuga ko umuyobozi ushinzwe kucyubaka Jerome Xzue Hua yari yabwiye Kenyatta ko imirimo izarangira mu mpera za Nyakanga.

Ni ikiraro cyambutse umugezi wa Nzoia, gihuza uduce twa Bunyala ya Ruguru n’iy’Epfo, cyashyizweho nyuma y’uko ku ya 30 Kanama 2014 ubwato burohamye ababurimo bose barimo umunyeshuri wiga mu wa gatatu w’amashuri abanza bagapfa.

Icyo gihe Perezida Kenyatta yatabaye umuryango w’uwo mwana anasezeranya abaturage kubaka icyo kiraro agakumira impanuka nk’izo.

Icyo kiraro kandi cyabaye iturufu depite Ababu Namwamba yakoresheje kugira ngo abaturage bo muri ako gace bamutore.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE