2017-11-19 15:07:58 clouds 27o High | Kigali Rwanda

Dukurikire:
 
 

Huye:Imbangukiragutabara zahawe ibitaro bya Kabutare zizafasha mu kunoza serivise

Yanditswe na IMVAHO NSHYA

Kuya 2017-06-28 10:21:25

 
Share on:
 
Yasuwe:27
 
Yavuzweho:200
 
10
 
10

Ubuyobozi bw’ibitaro bya Kabutare mu karere ka Huye, buratangaza ko bwishimira kuba Minisiteri y’ubuzima yarabahaye imbangukiragutabara eshatu zizabafasha kunoza serivisi.

Imbangukiragutabara eshatu zifite agaciro ka miliyoni 150 z’amafaranga y’u Rwanda zatanzwe na Minisiteri y’ubuzima, bazishyikirijwe n’ubuyobozi bw’Akarere ka Huye.

Umuyobozi Mukuru w’ibitaro bya Kabutare, Dr. Migezo Guido, avuga ko ubusanzwe bari bafite izindi mbangukiragutabara ebyiri, ariko imwe ni yo yakoraga gusa kandi na yo igahorana ibibazo bayijyana kenshi mu igaraji kubera gusaza, bigatuma badatanga serivisi nziza ku barwayi nk’uko bikwiye.

Dr. Migezo ati “Twari dufite izindi ebyiri ariko imwe ni yo yonyine yakoraga kandi na yo igahora mu garaji iri gusanwa, ugasanga ku kigo nderabuzima runaka barayikeneye bagasanga uwo munsi yarwaye yagiye mu igaraji, ugasanga niba hari umurwayi urembye bitunanira kumugeraho byihuse cyangwa ugasanga ikeneye kujya henshi kandi ari imwe.

JPEG - 390.6 kb
Izi mbangukiragutabara 3 ni zo zashyikirijwe ibitaro bya Kabutare

Ibi rero bikagira ingaruka zo kudatanga serivisi neza, ku buryo hari nk’ubwo abarwayi batugeragaho barembye cyane cyangwa bamwe bamaze gushiramo umwuka, kubera ko batabonye ubutabazi ku gihe”.

Dr. Migezi Guido akomeza avuga ko kuba bahawe izo mbangukiragutabara bigiye kubafasha kunoza serivisi no kuvura abarwayi batararemba, kuko zujuje ibyangombwa byose, ku buryo umurwayi agenda ayivurirwamo mbere yuko agezwa ku bitaro.

Umuyobozi w’akarere ka Huye, Kayiranga Muzuka Eugene, yasabye ubuyobozi bw’ibitaro bya Kabutare gukoresha neza izi mbangukiragutabara bahawe zikoreshwa icyo zagenewe, ndetse anakangurira abaturage kwitabira kwishyurira ku gihe umusanzu w’ubwisungane mu kwivuza.

Yagize ati "Ubuyobozi bw’ibitaro icyo tubasaba kandi tunabihanangirizaho, ni uko izi modoka ari ingobyi z’abarwayi, ntizikwiye gukoreshwa ibyo zitagenewe, kandi na none si izo guparika kandi zikenewe, nizikore akazi zagenewe, kandi zitabweho uko bikwiye igize ikibazo ikorwe ku gihe. Ikindi kandi no kuruhande rw’abarwayi twabasaba kwitabira kwishyura ubwisungane ku gihe kugira ngo batazahendwa no kugera ka muganga cyangwa ngo barembere mu ngo."

Ubusanzwe ibitaro bya Kabutare biganwa n’abaturage barenga ibihumbi 370 baturuka mu bigo nderabuzima 20 byo mu mirenge itandukanye igize akarere ka Huye, izi mbangukiragutabara bahawe zikaba zitezweho gukemura burundu ikibazo cyo kugeza abarwayi kwa muganga.

UMUTONI BEATHA

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE