2017-11-23 18:23:19 clouds 27o High | Kigali Rwanda

Dukurikire:
 
 

Rwamagana: Abayobozi bo muri Afurika y’Epfo bigiye ku mudugudu w’icyitegererezo

Yanditswe na IMVAHO NSHYA

Kuya 2017-06-27 13:41:10

 
Share on:
 
Yasuwe:109
 
Yavuzweho:200
 
10
 
10

Umuyobozi w’intara ya Free State yo muri Afurika y’Epfo, Ace Magashule, yahigiye ko mu gihe cy’amazi 6 azaba yubatse ikiraro nk’icyo yasanze mu mudugudu w’icyitegererezo wa Kitazigurwa mu karere ka Rwamagana.

Magashule, ari kumwe n’itsinda ryaje gusura u Rwanda no kureba aho abanyarwanda bageze biyubaka baniteza imbere, basuye akarere ka Rwamagana mu mudugudu w’icyitegererezo wa Kitazigurwa.

Nyuma yo gusura ibikorwa binyuranye biri muri uyu mudugudu, birimo amazu yubatswe neza afite ibikorwaremezo byose, bagiye gusura igikumba rusange, aho abaturage bose bo mu mudugudu basaga 204 bororera inka mu kiraro kimwe.

Nyuma yo gusura iki kiraro, Guverineri wa Free State Ace Magashule, yavuze ko ibyo abonye i Kitazigurwa ari isomo ryiza bigiye ku Rwanda.

Yakomeje agira ati “Ubu ni uburyo bwiza bwo kororera hamwe kandi amatungo akaba afite isuku akanitabwaho, nanjye mu gihe cy’amezi 6 ndaba nubatse ikiraro nk’iki kugira ngo n’abandi borozi bazakirebereho.”

JPEG - 367.9 kb
Abayobozi ba Free State muri Afurika y’Epfo berekwa ibyiza u Rwanda rwagezeho

Bamwe mu rubyiruko rwari ruherekeje uyu muyobozi bavuze ko rwanyuzwe n’ibyo rwabonye mu Rwanda, bashima uburyo abanyarwanda babakiriye.

Umwe muri bo yagize ati “Mu Rwanda abantu baho barishima cyane aho ugeze baragusekera bakakubyinira, ariko twatangajwe n’ukuntu bita ku nka zabo, iwacu uwakora umushinga nk’uyu wo kororera inka hamwe yabona amafaranga menshi, kuko usanga abantu batunze inka bisaba kugira inzuri nini cyane.

Aba bashyitsi bari baherekejwe na Ambasaderi w’u Rwanda mu gihugu cya Afurika y’Epfo Karega Vincent, wabwiye abaturage ko hari inshuti abanyarwanda bungukiye mu mahanga zaje kwirebera aho u Rwanda rugeze mu iterambere.

Umuyobozi w’akarere ka Rwamagana Mbonyumuvunyi Radjab, ubwo yakiraga izi ntumwa za Leta ya Free State yabamurikiye uburyo aba baturage babayeho neza.

Yagize ati “Bamwe muri aba baturage bari abantu bakennye cyane abandi batuye ahantu hatameze neza, ariko ubu batuye mu mazu meza afite ibikenewe byose hafi aha, bafite amashuri kuva ku mashuri y’inshuke kugeza ku yisumbuye, bafite ivuriro ry’ibanze, ibi byose biri muri gahunda Leta yashizeho yo kwita ku baturage bayo batishoboye no kubatuza heza.”

Umudugudu wa Kitazigurwa uri mu midugudu ya mbere yubatswe y’icyitegererezo, wo n’umudugudu wa Nyagatovu mu karere ka Kayonza, kuri ubu iyi midugudu iri muri gahunda yo kwagurwa, aho nayo izubakwamo amazu ya 4 muri imwe (4in1).

HAKIZIMANA YUSSUF

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE