2017-11-18 15:01:27 clouds 27o High | Kigali Rwanda

Dukurikire:
 
 

Amagare: Areruya arifuza kwitwara neza muri Tour de Hongrie 2017

Yanditswe na IMVAHO NSHYA

Kuya 2017-06-27 07:06:59

 
Share on:
 
Yasuwe:42
 
Yavuzweho:200
 
10
 
10

Isiganwa mpuzamahanga “Tour de Hongrie 2017” rizasozwa tariki 02 Nyakanga 2017 riratangira uyu munsi tariki 27 Kamena 2017. Ryitabiriwe na Areruya Joseph ukinira ikipe ya kabiri ya Dimension Data for Qhubeka.

Uyu musore uherutse kwandika amateka yegukana intera ya 5 muri Gilo d’Italia U-23 atangaza ko yifuza gukomeza kwitwara neza akaba yakwegukana intera no muri iri siganwa.

Uko isiganwa rizagenda

JPEG - 241 kb
Areruya Joseph wifuza kwitara neza akegukana intera muri Tour de Hongrie

Tour de Hongrie igizwe n’intera 5 ndetse n’agace kabanza “Prologue” aho umukinnyi asiganwa n’igihe ku giti cye “Individual time trial”. Iyi ntera y’ikilometero kimwe irakinwa uyu musi tariki 27 Kamena 2017.

Intera ya mbere izakinwa ejo tariki 28 Kamena 2017 aho abasiganwa bazava ahitwa Keszthely basoreze Zalaegerszeg ku ntera y’ibilometero 145. Tariki 29 Kamena 2017 bazava ahitwa Velence basoreze Siófok (138), tariki 30 Kamena 2017 bave Paks basoreze Cegléd (178 km), tariki 01 Nyakanga 2017 bazava Karcag basoreze Miskolc (177 km) naho intera ya nyuma ya 5 bazave Jászberény basoreze Budapest (112 km). Abasiganwa bazasoza basiganwe intera y’ibilometero 751.

Mugisha Samuel ukinana na Areruya Joseph muri Dimension Data for Qhubeka na we yagombaga kwitabira iri siganwa ariko kubera impanuka yakoze ubwo yari muri Giro d’Italia U-23 nta bwo azagaragara kuko abaganga bamusabye ko agomba kongera kwitabira isiganwa nyuma y’itariki 05 Nyakanga 2017.
BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE