2017-12-13 09:46:30 clouds 27o High | Kigali Rwanda

Dukurikire:
 
 

USA: Perezida Trump yanze gufata ifunguro rya Iftar

Yanditswe na IMVAHO NSHYA

Kuya 2017-06-26 11:38:03

 
Share on:
 
Yasuwe:670
 
Yavuzweho:200
 
10
 
10

Perezida wa Leta Zunze Ubumwe za Amerika yanze ko muri White House haba ibirori byo gufungura Iftar ku munsi wa Eid al Fitr byari bimaze imyaka 20 byizihizwa.

Ifunguro rya Iftar rifatwa ku munsi wa Eid al Fitr nyuma y’ukwezi kw’igisibo cy’Abayisilamu cya Ramadan.

Abayobozi bo muri perezidansi ya USA, White House bari bamaze iminsi bategura uwo munsi mukuru wari usanzweho ku buyobozi bwa Clinton, Bush na Obama ariko perezida Trump aza kubiburizamo.

Trump yatanze ubutumwa bugaragaza ko we n’umuryango we bifatanyije n’Abayisilamu ku munsi wa Eid Al Fitr.

Ati “Mu izina ry’Abanyamerika, Melania nanjye tubifurije umunsi mwiza wa Eid al- Fitr. Kuri uyu munsi twibuka akamaro k’impuhwe, ubumuntu n’ubugiraneza.”

Ariko impuguke mu bya politiki zemeza ko ubutumwa bwa Trump budafatika nk’ubwa Obama umwaka ushize wavuze ko Abayisilamu bo muri USA bakomeje kwibasirwa.

Uyu muperezida ukunze gufata imyanzuro ntivugweho rumwe, yahisemo gutaha ubukwe bwa gatatu bw’Umunyamabanga wa Leta ushinzwe imari, Steven Mnuchin.

Ubwo yiyamamazaga bamubajije niba azafata ifunguro rya Iftar nk’uko abamubanjirije babigenza avuga ko ntacyo bimubwiye.

Ati “Sinzi uko babyizihiza, gusa nta n’icyo bimbwiye, ntibikwiye kuntwara umwanya.”

USA: Perezida Trump yanze gufata ifunguro rya Iftar

Perezida wa Leta Zunze Ubumwe za Amerika yanze ko muri White House haba ibirori byo gufungura Iftar ku munsi wa Eid al Fitr byari bimaze imyaka 20 byizihizwa.

Ifunguro rya Iftar rifatwa ku munsi wa Eid al Fitr nyuma y’ukwezi kw’igisibo cy’Abayisilamu cya Ramadan.

Abayobozi bo muri perezidansi ya USA, White House bari bamaze iminsi bategura uwo munsi mukuru wari usanzweho ku buyobozi bwa Clinton, Bush na Obama ariko perezida Trump aza kubiburizamo.

Trump yatanze ubutumwa bugaragaza ko we n’umuryango we bifatanyije n’Abayisilamu ku munsi wa Eid Al Fitr.

Ati “Mu izina ry’Abanyamerika, Melania nanjye tubifurije umunsi mwiza wa Eid al- Fitr. Kuri uyu munsi twibuka akamaro k’impuhwe, ubumuntu n’ubugiraneza.”

Ariko impuguke mu bya politiki zemeza ko ubutumwa bwa Trump budafatika nk’ubwa Obama umwaka ushize wavuze ko Abayisilamu bo muri USA bakomeje kwibasirwa.

Uyu muperezida ukunze gufata imyanzuro ntivugweho rumwe, yahisemo gutaha ubukwe bwa gatatu bw’Umunyamabanga wa Leta ushinzwe imari, Steven Mnuchin.

Ubwo yiyamamazaga bamubajije niba azafata ifunguro rya Iftar nk’uko abamubanjirije babigenza avuga ko ntacyo bimubwiye.

Ati “Sinzi uko babyizihiza, gusa nta n’icyo bimbwiye, ntibikwiye kuntwara umwanya.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE