2017-11-17 14:59:33 clouds 27o High | Kigali Rwanda

Dukurikire:
 
 

Musanze:Ikimoteri cyo mu isoko rya Byangabo kigiye kwimurwa

Yanditswe na IMVAHO NSHYA

Kuya 2017-06-24 09:47:53

 
Share on:
 
Yasuwe:59
 
Yavuzweho:200
 
10
 
10

Mu gihe abaturage baturiye isoko rya Byangabo riherereye mu murenge wa Busogo mu karere ka Musanze bavuga ko babanngamiwe bikomeye n’ikimoteri kimenwamo imyanda kiri hafi y’ingo zabo, ubuyobozi bw’akarere ka Musanze buratangaza ko kigiye kwimurwa mu minsi mike.

Umuyobozi w’akarere ka Musanze Habyarimana Jean Damascene, avuga ko ubuyobozi nabwo bwamaze kubona ko iki kimoteri ari imbogamizi ku mibereho myiza y’abaturage, ari nayo mpamvu ubu hari kwigwa uko cyakwimurwa vuba.

Yagize ati “Ikibazo cy’ikimoteri cyo mu isoko ry’ahitwa Byangabo ni ikibazo kimaze igihe kiganirwaho, ariko kuri ubu kiri mu nzira yo gukemuka, kuko iyo urebye koko usanga giteye imbogamizi ku mibereho y’abagana n’abaturiye ririya soko.Aha rero k’ubufatanye n’ishami rya kaminuza y’u Rwanda ryigisha ibijyanye n’ubuhinzi, ubworozi n’ubuvuzi bw’amatungo rigiye kujya ritunganya imyanda yo muri iki kimoteri maze riyikuremo ifumbire.

JPEG - 267.7 kb
Ikimoteri cyo mu Byangabo kibangamiye abaturage (Foto Ngaboyabahizi P)

Nizera ko uyu azaba ari umuti urambye, kinabyazwe umusaruro.Nkaba nsaba abakoresha iri soko kwihangana kuko mu minsi mike kiraba cyavuye hagati ya ziriya ngo na za resitora”.

Ndihokubwayo Eliab, umwe mu bacururiza mu isoko rya Byangabo, yagize ati “Ikimoteri cyo muri iri soko ni kimwe mu bihumanya ikirere cyo muri iyi santere, hari ubwo rwose usanga iri soko rinuka, kubera amoko anyuranye y’imyanda bajugunyamo, ntiwakwibeshya uri umuntu ufite inzoka mbi ngo urajya kugira icyo ufata muri za resitora ziri hafi y’iki mimoteri.

Reba abana bacu ni ho birirwa bamwe bagikinira hejuru, abandi bakuramo ibyo baba basigaje na byo birimo umwanda bahakura rero indwara zinyuranye, mbese rwose turabangamiwe cyane, kandi iki kibazo kimaze igihe, ndifuza kimwe na bagenzi banjye ko iki kimoteri cyava hano kikimurirwa ahandi”.

Kubera ko iri soko rya Byangabo ririmo kugenda ryaguka, usanga abaturage bamwe bakorera mu nkengero zaryo ndetse no hafi y’iki kimoteri, kuko ngo imyanya y’imbere muri iri isoko isa n’aho yarangiye, aba rero na bo bakaba bavuga ko ngo gukorera hafi yacyo ari imbogamizi ikomeye.
NGABOYABAHIZI PROTAIS

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE