2017-10-16 07:05:01 clouds 27o High | Kigali Rwanda

Dukurikire:
 
 

Abacamanza ba gisirikare basabwe kuba indorerwamo y’ubutabera

Yanditswe na IMVAHO NSHYA

Kuya 2017-06-23 05:53:02

 
Share on:
 
Yasuwe:84
 
Yavuzweho:200
 
10
 
10

Minisitiri w’Intebe Murekezi Anastase asanga abacamanza bo mu nkiko za gisirikare bafite umwihariko w’uko disipulini basanganywe ari yo igomba kubaranga mu kazi kabo ko gutanga ubutabera bufite ireme, abasaba, ubushishozi, no kuba bandebereho mu kubahiriza inshingano.

Murekezi yabitangaje ejo hashize ubwo yari amaze kwakira indahiro y’abacamanza 2 b’Urukiko rwa gisirikare baherutse kwemezwa n’Inama y’abaminisitiri yo ku ya 26 Gicurasi 2017.

Abo ni visi perezida w’Urukiko rwa gisirikare Lt col. Deo Rusizana na Capt Gerald Ntaganira barahiye imbere ya Minisitiri w’Intebe.

Yibukije abarahiye ko basabwa kutagira abere abahamwe n’ibyaha n’abatsinzwe n’imanza bakagira umuco wo kwemera no kunyurwa n’ibyemezo biba byafashwe n’inkiko.

Ati “Ntimuzatatire igihango ngo mugiranye n’Abanyarwanda nyuma y’icyizere mwagiriwe n’Umukuru w’Igihugu. Murasabwa kubahiriza inshingano zikomeye abantu babatezeho, ibyo birasa ubushishozi no kuba intabera mu kazi.’’

Minisitiri w’Intebe kandi yababwiye gukora cyane, kugira ngo bakemure ibibazo by’ibirarane by’amadosiye mu nkiko, ababwira inyungu n’akamaro ko kwifashisha ikoranabuhanga mu kazi kabo ko gutanga serivise nziza, ko bizabafasha koroshya no kwihutisha akazi.

Lt Col. Rusizana Deo, yavuze ko yiteguye gukora akazi ke atikoresheje nk’uko yabitojwe mu kazi ke gasanzwe. Ati “Impanuro duhawe na Minisitiri w’Intebe ni impamba igiye kumfasha kuzuza no kunoza inshingano mpawe”.

TWAGIRA WILSON

Andi mafoto y’umuhango kanda hano

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE