2017-11-17 14:59:33 clouds 27o High | Kigali Rwanda

Dukurikire:
 
 

Perezida Kagame yashyikirije Komisiyo y’Igihugu y’Amatora kandidatire ye

Yanditswe na IMVAHO NSHYA

Kuya 2017-06-22 11:05:39

 
Share on:
 
Yasuwe:181
 
Yavuzweho:200
 
10
 
10

Kuri uyu wa Kane tariki ya 22 Kamena 2017, Perezida Paul Kagame yashyikirije Komisiyo y’Igihugu y’Amatora kandidatire ye nk’Umukandida uhagarariye ishyaka FPR-Inkotanyi.

Abanyamuryango ba FPR-Inkotanyi babarirwa mu magana babukereye ku cyicaro cya Komisiyo y’Igihugu y’Amatora mu gushyigikira umukandida bemeje bidasubirwaho ko agomba guhagararira Umuryango mu matora y’Umukuru w’Igihugu ategerejwe tariki 4 Kanama 2017.

Ku wa 17 Kamena ni bwo Inama Nkuru ya FPR-Inkotanyi yahisemo Paul Kagame ngo azahagararire umuryango nk’umukandida nyuma y’aho abanyamuryango bose mu gihugu bamwemeje 100%.

Perezida Kagame yatanze Kandidatire nyuma ya Phillipe Mpayimana na we wagaragaje ko ashaka kwiyamamariza umwanya wa Perezida wa Repubulika y’u Rwanda.

Biteganyijwe ko gahunda yo gutangaza lisiti ntakuka y’abakandida bemejwe izaba ku wa 7 Nyakanga 2017.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE