2017-11-17 14:59:33 clouds 27o High | Kigali Rwanda

Dukurikire:
 
 

Si impuhwe z’abayobozi gutanga serivisi inoze- Murekezi

Yanditswe na IMVAHO NSHYA

Kuya 2017-06-22 10:19:08

 
Share on:
 
Yasuwe:96
 
Yavuzweho:200
 
10
 
10

Minisitiri w’Intebe Murekezi Anastase, yabwiye abaminisitiri bashinzwe abakozi ba Leta n’umurimo baturutse mu bihugu birindwi byo muri Afurika, ko serivisi abayobozi batanga atari impuhwe.

Ibyo bihugu 7 ni Zambia, Uganda, Kenya, Ethiopia Guinea, Namibiya, Afurika y’Epfo n’u Rwanda.

Ibi bikubiye mu butumwa Minisitiri w’Intebe yatangiye i Kigali ejo hashize ku wa 21 Kamena 2017 ubwo yatangizaga inama ngarukamwaka igamije kwizihiza umunsi w’abakozi ba Leta mu rwego rw’Afurika "Africa Public Service Day’.

JPEG - 401.5 kb
Minisitiri w’Intebe Murekezi Anastase ageza ijambo ku baturutse mu bihugu birindwi bitabiriye inama (Foto James R.)

Murekezi Anastase yavuze ko Serivisi baha abaturage atari impuhwe, ahubwo ko ari uburenganzira, abasaba gushyira imbaraga mu gushora imari no gufatanya n’urubyiruko kuko ari bo bagize umubare munini wa 60 % ushobora gutanga umusaruro.

Ku birebana no kongera ubumenyi bushobora gufasha gutanga, serivisi vuba kandi zifite ireme, Murekezi yababwiye ko u Rwanda hari tumwe mu dushya rwakoze hifashishijwe ikoranabuhanga begereza abaturage Serivisi nziza zifite ireme zitangwa mu buryo bw’ikorabuhanga nk’itangwa ry’ibyangombwa, kwandikisha ubucuruzi, ubutaka, itangwa rya viza n’impushya zo gutwara ibinyabiziga n’ibindi.

Ati "Dukoreshe ubumenyi buhari, kuko ari igikoresho cyafasha guhindura vuba isi, ku buryo Afurika izagera ku ntego za SDGS abantu biyemeje."

Minata Samate Cessoumma, Komiseri ushinzwe ibya politiki muri Komisiyo y’Umuryango w’Afurika Yunze Ubumwe na Minisitiri w’Abakozi ba Leta n’Umurimo Judith Uwizeye, bahuriza ko gahunda zo gushora imari no guha ubushobozi urubyiruko no kubaha umwanya mu nzego zifatirwamo ibyemezo, bizafasha kongera umusaruro ushingiye ku bukungu muri byinshi mu bihugu by’Afurika.

Abayobozi bahagarariye ibyo bihugu 7 baganiriye ku ngamba zigamije kwegereza serivisi abatuye umugabane binyuze mu guteza imbere imiyoborere myiza nk’umusemburo uzafasha Afurika kugera ku cyerekezo 2063 yiyemeje.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE