2017-12-11 14:03:29 clouds 27o High | Kigali Rwanda

Dukurikire:
 
 

U Rwanda rwakoze amavugurura 14 yo koroshya ishoramari

Yanditswe na IMVAHO NSHYA

Kuya 2017-06-20 14:50:03

 
Share on:
 
Yasuwe:240
 
Yavuzweho:200
 
10
 
10

Ikigo cy’Igihugu cy’Iterambere (RDB) cyatangaje ko cyamaze gukora amavugurura 14 kugira ngo kigendane n’ibipimo 7 Banki y’Isi igenderaho isuzuma uko ibihugu byorohereza abashoramari.

Umuyobozi Mukuru wa RDB, Clare Akamanzi, mu kiganiro n’itangazamakuru kuri uyu wa 20 Kamena 2017, buri mwaka RDB iganira n’izindi nzego zaba iza Leta n’izabikorera kugira ngo bamenye ahakenewe kunozwa mu buryo ubucuruzi bukorwa mu gihugu, ari byo bizwi nka “Doing Business”.

Yakomeje avuga ko mu cyiciro cya gatatu cya gahunda y’Imbaturabukungu (EDPRS III) u Rwanda rufite intego yo kuzaba ruri mu myanya 30 ya mbere ku isi mu bihugu 190 bikorwaho iyo raporo mpuzamahanga mu koroshya ishoramari.

JPEG - 275.4 kb
Umuyobozi wa RDB, Clare Akamanzi (Hagati) avuga ko u Rwanda rwiyemeje kuzahora imbere mu korohereza ishoramari

Kuri ubu ruri ku mwanya wa 56, mu gihe muri Afurika ruri ku mwanya wa 2, inyuma y’Ibirwa bya Maurice.

Akamanzi ati “Kuva kuri 56 kugera kuri 30 bisaba ko buri mwaka twongera gukora neza. Ni muri urwo rwego buri mwaka tureba aho dushobora kongera gukora neza kugira ngo tubishyire mu bikorwa. Uyu mwaka ibyo twashyizeho bigera ku mavugurura 14 mu bipimo bya Banki s’Isi bigera kuri 7, aho twumva ko hari ibyo twongeyeho tubinoza kugira ngo dukore neza.”

Mu by’ingenzi byanogejwe ni ugushyiraho itegeko rishya ry’ubucuruzi rigamije kunoza uburyo imiyoborere mu masosiyete na kompanyi bikorwa, aho abafite imigabane mike na bo bagira uburenganzira, no kudasaba ibigo biro n’ibiciriritse ibintu byinshi mu gutangira ishoramari.

Mu rwego rwo gusora hashyizweho imashini ya EBM, aho bisabwa ko umucuruzi abanza kwiyandikisha mu batanga umusoro ku nyongeragaciro (VAT).

Umuyobozi Mukuru w’Urugaga rw’Abikorera, PSF, Stephen Ruzibiza, yavuze ko Minisiteri y’Ibikorwa Remezo (MININFRA) n’Ikigo cy’Igihugu cy’Ingufu (REG) basabwe gufasha inganda zikorera gace kazoo kihariye (Specisl Economic Zone) kubona umuriro uhoraho.

Ati “Mu bucuruzi haracyarimo ikibazo cy’uko inganda zimwe usanga zitatanye ahantu henshi, noneho n’umuriro ugasanga barawugabana n’ingo z’abaturage. Hariho icyifuzo cy’uko bakora umuyoboro wihariye ubaha umuriro mu buryo buhoraho, ku buryo batazongera kugira ikibazo cy’umuriro.”

Mu bindi harimo kugabanya ubwinshi bw’ibyangombwa byasabwaga abatumiza ibicuruzwa hanze mu bucuruzi bwambukiranya imipaka, ibyangobwa byo kubaka n’ibindi.

Umuyobozi wa RDB, Clare Akamanzi, yasoje yibutsa abantu ko izo mpinduka zose zizagira akamaro nibitabira kuzikoresha kugira ngo igihugu kigere ku byo cyifuza.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE