2017-12-11 14:03:29 clouds 27o High | Kigali Rwanda

Dukurikire:
 
 

Igikombe cy’Amahoro: Rayon Sports na APR FC zifite amahirwe yo gukomeza muri ½

Yanditswe na IMVAHO NSHYA

Kuya 2017-06-20 05:47:17

 
Share on:
 
Yasuwe:373
 
Yavuzweho:200
 
10
 
10

Police FC 0-2 Rayon Sports, Marines FC 1-1 Espoir FC, Bugesera FC 0-2 APR FC
Amagaju FC 1- 1 AS Kigali

Tariki 21-06-2017: Rayon-Police FC (Nyamirambo-15h30), Espoir FC-Marines FC (Rusizi-15h30)

Tariki 22-06-2017: APR FC-Bugesera (Kicukiro-15h30), AS Kigali-Amagaju FC (Nyamirambo-15h30)

Ikipe ya Rayon Sports ifite igikombe cy’Amahoro cy’umwaka ushize wa 2016 ndetse na APR FC zahuriye ku mukino wa nyuma zifite amahirwe yo gukomeza muri ½ cy’irangiza uyu mwaka wa 2017 nyuma y’aho zitwaye neza zigatsindira hanze imikino ibanza ya ¼ .

Iyi mikino ya ¼ cy’irangiza yatangiye ku Cyumweru tariki 18 Kamena 2017 aho Police FC yatsindiwe mu rugo na Rayon Sports ibitego 2-0 bya Nahimana Shassir ku munota wa 65 na Ndacyayisenga Jean D’Amour ku munota wa 89 wateye ishoti rikomeye umupira uca ku mutwe wa myugariro wa Police FC, Twagizimana Fabrice winjira mu izamu.

JPEG - 114.1 kb
Nahimana Shassir, rutahizamu wa Rayon Sports umaze gutsinda Police FC ibitego 4 mu mikino bamaze guhura

Nyuma y’uyu mukino, umutoza wa Rayon Sports Masudi Djuma yatangaje ko bishimiye intsinzi ko ari amahirwe bagize yo gukomeza muri ½ cy’irangiza. Gusa avuga ko batagomba kwirara.

Ati “Dufite amahirwe ariko ntibirarangira, twabatsinze 2-0 iwabo bashobora natwe kuza bakabitwishyura bakadutsinda n’icya 3 tukavamo. Tugiye kwitegura neza umukino wo kwishyura kandi turizera ko tuzitwara neza”.

Umutoza wa Police FC, Seninga Innocent, yavuze ko impamvu batsinzwe na Rayon Sports ari uko abakinnyi be batubahirije ibyo basezeranye.

Ati “Twakinnye neza igice cya mbere, igice cya kabiri abakinnyi banjye basubira inyuma maze mu makosa yo guhagarara nabi kw’ab’inyuma banjye badutsinda igitego, icya kabiri cyo ntawe utagitsindwa”.
Uyu mutoza avuga ko bagifite icyizere cyo gukomeza. Ati “Tugiye gutegura umukino wo kwishyura, rutahizamu wacu Mico azaba yagarutse birashoboka ko twabyishyura tugakomeza muri ½”.

Urebye uko aya makipe yahuye uyu mwaka w’imikino biragoye ko Police FC yasezerera Rayon Sports kuko mu mikino 4 aya makipe amaze guhura Rayon Sports yatsinze 3 zinganya umukino umwe.

Umukinnyi Nahimana Shassir ukomoka i Burundi mu bitego 9 Rayon Sports imaze kwinjiza Police FC yatsinzemo 4. Undi mukino wabaye, Marines FC yanganyije na Espoir FC i Rubavu igitego 1-1.

Ejo ku wa Gatatu tariki 21 Kamena 2017 akaba ari bwo hazaba imikino yo kwishyura aho Rayon Sports izakinira Police FC i Nyamirambo naho Espoir FC ikakira Marines FC i Rusizi.

APR FC yatsinze Bugesera FC, AS Kigali iranganya

Imikino ya ¼ yabaye ejo hashize tariki 19 Kamena 2017, APR FC yitwaye neza itsinda Bugesera FC ibitego 2-0 bya Bizimana Djihad na Nshuti Innocent. Ku rundi ruhande AS Kigali yanganyirije n’Amagaju FC i Nyagisenyi igitego 1-1.

Aya makipe akaba azakina imikino yo kwishyura ku wa Kane tariki 22 Kamena 2017 aho APR FC izakira Bugesera FC Kicukiro naho AS Kigali yakire Amagaju FC i Nyamirambo.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE