2017-12-13 09:46:30 clouds 27o High | Kigali Rwanda

Dukurikire:
 
 

Zambia: Perezida Kagame yasabye Abanyarwanda gutaha

Yanditswe na IMVAHO NSHYA

Kuya 2017-06-20 05:31:26

 
Share on:
 
Yasuwe:657
 
Yavuzweho:200
 
10
 
10

Perezida Paul Kagame yashimye uko igihugu cya Zambia cyakiriye Abanyarwanda bagihungiyemo, ariko asaba ko ubu batahuka mu Rwanda.

Umukuru w’igihugu yatangiye uruzinduko rw’iminsi ibiri muri Zambia ejo hashize ku wa Mbere tariki ya 19 Kamena 2017. Yakiriwe na mugenzi we, Perezida Edgar Lungu, nyuma banagirana ibiganiro mu biro bye, i Lusaka.

Perezida Paul Kagame yashimye mugenzi we uko bamwakiriye, anamushyikiriza indamutso y’Abanyarwanda. Yavuze ko amateka y’u Rwanda na Poilitiki yaruranze byatumye u Rwanda rugira umubare munini w’impunzi, mu bihugu bitandukanye birimo na Zambia.

Yagize ati “Nyuma ya 1994 abarenga miliyoni eshatu bari barahunze igihugu, ariko abenshi baratashye […] Abanyarwanda benshi baba muri Zambia ariko benshi baragarutse, ndashaka kubashimira uko mwabakiriye . Ubutumwa ku baturage bacu, ni uko bose bataha.”

JPEG - 309.5 kb
Perezida Paul Kagame (ibumoso) ari kumwe na Edgar Lungu wa Zambia ubwo bagiranaga ibiganiro

Umubano w’u Rwanda na Zambia

Perezida Kagame yagarutse ku mubano w’ibihugu byombi, avuga ko ubucuruzi hagati ya Zambia n’u Rwanda bukiri ku rwego rwo hasi, ariko ko yizeye ko hashobora kongerwa ibicuruzwa byoherezwa n’ibikurwa mu bihugu byombi.
Ati “Dushaka kongera no gushishikariza imikoranire hagati y’abaturage bacu mu rwego rwo kubakira hamwe ubukungu bukomeye dufatanyije.”

Perezida Kagame kandi yashimye ko RwandAir yafunguye ingendo zerekeza muri Zambia, bikazatuma hakomeza kubaho ubufatanye. Bityo, akavuga ko nta gushidikanya ibiganiro na mugenzi we wa Zambia bizarushaho gushimangira umubano usanzwe hagati y’ibihugu byombi, Abanyarwanda n’Abanyazambiya bagakorana mu buryo bunyuranye, cyane ko hari byinshi bikorwa hagati y’u Rwanda na Zambia, kandi ku bufatanye hagerwa kuri byinshi.

Perezida Paul Kagame asuye Zambia mu gihe mu cyumweru gishize uhagarariye u Rwanda muri Zambia, Amb. Mukaruriza Monique, yashyikirije Perezida Edgar Lungu impapuro zimwemerera guhagararirayo u Rwanda.

MUGABO LAMBERT

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE