2017-12-13 09:46:30 clouds 27o High | Kigali Rwanda

Dukurikire:
 
 

Amafoto: Nyakwigendera Depite Mukayisenga Francoise yasezeweho bwa nyuma

Yanditswe na IMVAHO NSHYA

Kuya 2017-06-14 09:16:08

 
Share on:
 
Yasuwe:1263
 
Yavuzweho:200
 
10
 
10

Nyakwigendera Mukayisenga Francoise uherutse kwitaba Imana azize indwara yasezeweho bwa nyuma kuri uyu wa 14 Kamena 2017.

Ni umuhango wabereye mu ngoro y’inteko ishinga amategeko, wari witabiriwe n’abayobozi bakuru muri guverinoma, mu nteko no mu ishyaka rya FPR ari naryo yari ahagarariye mu nteko.

Barimo Minisitiri w’Intebe, Anastase Murekezi, Umukuru w’Urukiko rw’Ikirenga, Prof. Sam Rugege, Perezida wa Sena, Bernard Makuza, umukuru w’umutwe w’abadepite, Mukabarisa Donatille n’Umunyamabanga mukuru wa FPR, Francois Ngarambe.

Mu Butumwa Perezida Kagame yoherereje umuryango wa Mukayisenga, yifatanyije nawo mu kababaro, ashima umurava n’ubwitange byamuranze mu mirimo inyuranye yagiye ashingwa. Yongeyeho ko igihugu kibuze umuntu w’agaciro warangwaga n’ukuri no gukunda igihugu.

Ibi byanagarutsweho na Perezida w’Inteko Ishinga amategeko, umutwe w’abadepite, Mukabarisa, wavuze ko yari amuziho ubushishozi , ubuhanga n’ubushobozi mu bitekerezo yatangaga bigamije kubaka u Rwanda.

Nyakwigendera Mukayisenga Francoise, akomoka mu karere ka Rubavu, yari umunyamuryango wa FPR inkotanyi. Kuva mu 1992- 1994 yari Umunyamabanga mu bunyamabanga rusange bwa Minisiteri y’Imari n’Igenamigambi, MINECOFIN ; mu 1998 - 2001 yari Umucungamutungo w’Akarere ka Rwerere.

Mu 2001-2003 yabaye Umuyobozi w’akarere wungirije ushinzwe iterambere ry’umugore mu karere ka Cyanzarwe ; naho kuva mu 2003 yari Umudepite mu Nteko Ishinga Amategeko.

Amafoto © Rwanda Parliament

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE