2017-12-13 09:46:30 clouds 27o High | Kigali Rwanda

Dukurikire:
 
 

Perezida Kagame yakiriwe n’Umukuru w’Igihugu cy’u Budage

Yanditswe na IMVAHO NSHYA

Kuya 2017-06-14 08:04:47

 
Share on:
 
Yasuwe:355
 
Yavuzweho:200
 
10
 
10

Perezida wa Repubulika w’u Rwanda, Paul Kagame, yakiriwe na mugenzi we, Frank-Walter Steinmeier, Perezida w’u Budage, ejo hashize ku wa 13 Kamena, nyuma yo kwitabira inama yahuje umuryango w’ibihugu 20 bikize n’umugabane wa Afurika.

Mu ijambo yagejeje ku bitabiriye iyo nama, Perezida Paul Kagame yagarutse ku kamaro k’urwego rw’abikorera mu iterambere, aho yagize ati “Urwego rw’abikorera rufite ingufu, ni izingiro ry’iterambere”.

JPEG - 123.7 kb
Perezida Kagame aganira na mugenzi we Steinmeier uyobora u Budage

Umukuru w’Igihugu kandi yagiranye ibiganiro na Minisitiri w’Ububanyi n’Amahanga w’u Budage, Sigmar Gabriel

U Budage butera u Rwanda inkunga mu nzego zitandukanye, muri Gicurasi iki gihugu cyatanze inking ya miliyari 66 z’amafaranga y’u Rwanda azafasha mu guteza imbere ubumenyingiro, imiyoborere no kwegereza abaturage ubuyobozi, guteza imbere urwego rw’abikorera, guhanga imirimo igenewe urubyiruko no guteza imbere urwego rw’imari.

Ni mu gihe no mu Gushyingo 2016, iki gihugu cyatanze miliyoni 8.5 z’amayero yo gufasha abikorera guteza imbere gahunda yo kohereza ibicuruzwa mu mahanga.

JPEG - 116.4 kb
Perezida Kagame, Minisitiri w’Ububanyi n’Amahanga, Louise Mushikiwabo mu biganiro na Minisitiri w’Ububanyi n’Amahanga w’u Budage

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE