2017-10-17 06:58:11 clouds 27o High | Kigali Rwanda

Dukurikire:
 
 

Twararangaye tunanirwa gucunga umunota umwe - Migi

Yanditswe na IMVAHO NSHYA

Kuya 2017-06-13 15:02:25

 
Share on:
 
Yasuwe:350
 
Yavuzweho:200
 
10
 
10

Mugiraneza Jean Baptiste “Migi”, Visi kapiteni w’ikipe y’igihugu “Amavubi” yatangaje ko bakoze ikosa ryo kurangara no kunanirwa gucunga umunota wa nyuma mu mukino batsinzwemo Central Africa Republic ibitego 2-1 mu gushaka itike ya CAN 2019.

Ibi yabitangaje ubwo ikipe yari igarutse u Rwanda ivuye. Migi ufite ubunararibonye yatangaje ko bagiye bashaka amanota atatu kandi bishoboka babona inota rimwe naryo bananirwa kurihagararaho mu masegonda ya nyuma.

Ati “Ndibwira ko iminota 90 twari twabigezeho ariko habaho akantu ko gusa nk’abarangara kuko twatsinzwe igitego hakiri kare igice cya kabiri kigitangira turasatira cyane kuko twashakaga kwishyura, mu minota itatu y’inyongera nibwo twishyuyemo igitego ariko kumenya gucunga umunota umwe wa nyuma biratunanira’’.

JPEG - 265.1 kb
Mugiraneza Jean Baptiste Migi wagaragaje ko bagize uburangare bagatsindwa na Central Africa Republic ku munota wa nyuma

Migi yungamo ati ’’Ntawe ushobora kubyiyumvisha kuko iminota itatu yari yarangiye ariko n’umusifuzi ntiyatubaniye kuko atigeze arangiza umukino yongeraho indi minota itatu abaha nawa Coup Franc ari nayo yavuyemo igitego’’.

Migi wahoze akina muri Azam FC yo muri Tanzania yaboneyeho kugira inama abakinnyi bakina imbere mu gihugu bazakina na Tanzania mu gushaka itike ya CHAN 2018.

Ati’’Tanzania ni igihugu gikomeye kuko nta bakinnyi benshi igira bakina hanze usibye Ulimwengu na Bwana Samanta. Ni abakinnyi bamenyeranye, bakinanye igihe kirekire, birasaba ikipe y’igihugu yacu kwitegura kuko bafite akazi ariko biranshoboka nibashyiramo imbaraga bagashyira hamwe bakaniyumvisha ko byose bishoboka’’.

Nyuma yo gutakaza umukino wa mbere mur itsinda H, Amavubi umukino ukurikiraho azahura na Cote d’Ivoire taliki 23 Werurwe 2018. Mu gushaka itike ya CHAN 2018 izabera muri Kenya, ikipe y’u Rwanda izakina na Tanzania umukino ubanza taliki 14 Nyakanga naho uwo kwishyura ubere i Kigali taliki 21 Nyakanga 2017.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE