2017-12-13 09:46:30 clouds 27o High | Kigali Rwanda

Dukurikire:
 
 

Rusizi:Barishimira iterambere bakesha imiyoborere myiza

Yanditswe na IMVAHO NSHYA

Kuya 2017-06-12 09:30:43

 
Share on:
 
Yasuwe:56
 
Yavuzweho:200
 
10
 
10

Abaturage b’umurenge wa Mururu mu karere ka Rusizi, baravuga ko imiyoborere myiza n’umutekano usesuye bakesha Perezida wa Repubulika Paul Kagame ari byo bimaze kubageza kuri byinshi mu iterambere.

Aba baturage bishimira ko gahunda Leta igenera abaturage ngo zibazamure zimaze kubageza aheza mu iterambere, bakifuza gukomezanya na we ngo bazagere no ku bindi byinshi.

Ubwo aba baturage bahuriraga hamwe bishimira ibyo bamaze kugeraho nyuma ya Jenoside yakorewe abatutsi mu 1994, bishimiye ko ubu utugari twose tw’uyu murenge turimo amashanyarazi, nyamara kera kose urugomero rukomeye rw’amashanyarazi rwa Rusizi ya 2 rugaburira u Rwanda, u Burundi na Kongo Kinshasa rwarahoze mu murenge wabo ariko ntibibabuze kumara imyaka myinshi mu kizima.

JPEG - 261.2 kb
Aba baturage bavuga ko imiyoborere myiza ari yo bakesha iterambere bagezeho

Bishimiye kandi uburyo gahunda nka Girinka, ubudehe, VUP n’izindi zabazamuye bifatika, ku buryo bahamya ko mu myaka mike iri imbere ikitwa ubukene kizaba ari amateka mu murenge wabo.

Mukantagara Vestine, umupfakazi w’abana 2 umaranye imyaka 4 inka yahawe muri gahunda ya Girinka, avuga ko umugabo yamusigiye agasambu gato cyane ka rwona, ariko aho aherewe iyi nka ngo amaze kuyibyaza umusaruro ufatika, ku buryo imibereho ye yahindutse ku buryo bugaragara.

Yagize ati “Maze gupfusha umugabo narihebye cyane kuko nta kintu yari ansigiye, ariko Leta idukunda impa inka muri gahunda ya Girinka, maze kwitura ibyara ikimasa ndakigurisha, nongeraho utundi dufaranga duke ngura isambu y’amafaranga 370.000, ndayihinga ndafumbira neza bimfasha gutunganya neza inzu mbamo nshyiramo n’amashanyarazi.

Ubu yabyaye ikindi kimasa na cyo ntezeho byinshi birimo no kongera isambu yanjye ku buryo mu minsi iri imbere nzaba ndi mu bagore b’abahinzi borozi bakomeye muri uyu murenge mbikesha Perezida Kagame wampaye inka.”

Umunyamabanga nshingwabikorwa w’uyu murenge Iyakaremye Jean Pierre, ashimangira iby’aba baturage avuga ko nta kuntu uyu murenge utashima Perezida Kagame, kuko uvuye kure ukaba ugeze aheza mu iterambere, kuko ibyo bamaze kugeraho byose babikesha umutekano usesuye no kuba bafite ubuyobozi bwumva ibibazo by’abaturage bukanabikemura.

Yagize ati “Byari bibabaje kubona bagira urugomero nka ruriya ariko amashanyarazi akabaca hejuru yigira mu Burundi no muri Kongo Kinshasa, kuba nta mihanda igaragara bagiraga mu tugari twabo, ariko ubu bamerewe neza rwose ni yo mpamvu bari baje kugaragariza abandi ko batakiri Mururu ya kera yari yarazahajwe n’ubukene, ko bamaze kugera ku bifatika kandi biteguye ku byongera no kubisigasira, cyane cyane ko banaturiye umupaka, ababa barekereje kubisenya ari benshi.”

Perezida w’inama Njyanama y’aka karere Mvuyikongo Jean Claude, yabasabye kutirara ngo ni uko bamaze kwigeza aheza mu iterambere, abasaba gukomeza gukataza ariko banafata ingamba zo kurinda no gusigasira ibyo bamaze kugeraho, kandi ko iminsiiri imbere ari myiza cyane kurushaho nibayitegura neza.

BAHUWIYONGERA SYLVESTRE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE