2017-12-12 08:24:39 clouds 27o High | Kigali Rwanda

Dukurikire:
 
 

Rwanda Day-Ghent: Abanyarwanda babarirwa mu bihumbi bine biteguye kuganira na Perezida Kagame

Yanditswe na IMVAHO NSHYA

Kuya 2017-06-10 11:54:34

 
Share on:
 
Yasuwe:98
 
Yavuzweho:200
 
10
 
10

Abanyarwanda baba mu Bubiligi n’abaturutse mu bindi bihugu by’u Burayi babarirwa hagati y’ibihumbi bitatu na bine bahuriye mu mujyi wa Ghent mu nyubako ya Flanders Expo kwakira Perezida Paul Kagame, bakagirana ibiganiro muri gahunda ya “Rwanda Day”.

Mu kiganiro n’Imvaho Nshya, Amb. Nduhungirehe Olivier uhagarariye u Rwanda mu Bubiligi yavuze ko Abanyarwanda bitabira “Rwanda Day”, atari abo mu Bubiligi gusa, harimo n’abaturutse mu Buholandi, mu Bufaransa, mu Budage, muri Suwede, mu Burusiya n’ahandi.

Ibiganiro bibera muri “Rwanda Day” biribanda ku iterambere ry’u Rwanda, ndetse n’iry’abanyarwanda baba hanze muri rusange.

JPEG - 225.9 kb
Abanyarwanda baturutse mu bihugu bitandukanye by’u Burayi bitabiriye Rwanda Day

Amb. Nduhungire yashimiye abitabiriye Rwanda Day. Ati “Kuba mwazindutse, mukeye, mukigomwa imirimo yanyu uyu munsi, mukaza muri benshi cyane kugaragaza urukundo mufitiye Nyakubahwa Perezida wa Repubulika n’ishema mufite ryo kwitwa Abanyarwanda, mubanze mwihe amashyi…”

“Rwanda Day” ni ubwa mbere ibereye mu Bubiligi, Perezida Paul Kagame ayitabiriye nyuma yuko yitabiriye Inama Mpuzamahanga y’u Burayi ku bufatanye mu iterambere (EDD 2017), akanagirana ibiganiro n’abanyacyubahiro banyuranye barimo Minisitiri w’Intebe w’u Bubiligi.

Kuva akigera mu Bubiligi, Abanyarwanda baba i Burayi bakomeje kwerekana ibyishimo byo kumwakira, hirya no hino bafite ibyapa byo kumushyigikira ndetse bagaruka kuri gahunda ze ziteza imbere igihugu, bagaragaza ibyapa byanditseho amagambo anyuranye, aho bagaruka ku kuba Abanyarwanda bose bivuza nta vangura kubera ubwisungane mu kwivuza, uburezi kuri bose, ubumwe bw’Abanyarwanda, kubungabunga ubutekano mu mahanga bikorwa n’Abanyarwanda, kandi bambaye imipira yanditseho ko bishimiye kuba Abanyarwanda.

MUGABO LAMBERT

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE