2017-10-18 07:01:40 clouds 27o High | Kigali Rwanda

Dukurikire:
 
 

Abanyarwanda twabashije kwikura mu bibazo - Perezida Kagame

Yanditswe na IMVAHO NSHYA

Kuya 2017-06-09 05:08:24

 
Share on:
 
Yasuwe:338
 
Yavuzweho:200
 
10
 
10

Perezida Paul Kagame ejo hashize ku ya 8 Kamena 2017, yagiranye ikiganiro n’itsinda rigizwe n’abanyamuryango b’ishyirahamwe ry’Abaperezida bakiri bato (YPO), maze ababwira ko n’ubwo Abanyarwanda bahuye n’ibibazo babashije kubyikuramo.

Ni mu ruzinduko mu gihugu cy’u Bubiligi aho yitabiriye Inama Mpuzamahanga y’u Burayi ku bufatanye mu iterambere (EDD 2017). Perezida Paul Kagame yabwiye abagize iri shyirahamwe ko nubwo Abanyarwanda bahuye n’ibibazo babashije kubyivanamo, ubu abantu bakaba barabashije kwiyubaka, kwibeshaho no kwirwanaho mu buzima.

Perezida Kagame yakomeje agira ati “Nubwo twari kure twabashije kuba twakwigeza aho twifuza, kandi twiteguye kuba twakwivana mu bindi bibazo, ariko na none tugira amahirwe, kuko ubu tubashije kwibeshaho mu buzima, twiteguye gushakira umuti n’ibindi bibazo twiteze abantu bashobora guhura na byo’’.

JPEG - 357 kb
Perezida Paul Kagame ari kumwe n’abagize ishyirahamwe YPO nyuma y’ibiganiro bagiranye

Iri shyirahamwe rya YPO, muri 2009 ryahaye Perezida Paul Kagame igihembo cy’imiyoborere myiza.

Perezida Kagame kandi yagiranye ibiganiro na Minisitiri w’intebe w’u Bubiligi, Charles Michel, baganira ku mubano w’ibihugu byombi ndetse n’ishoramari rikwiriye hagati y’umugabane w’u Burayi na Afurika.

Nyuma y’ibiganiro, Perezida Kagame yabwiye itangazamakuru ati “Twaganiriye ku buryo hakomeza kubaho ishoramari hagati y’ibihugun’imigabane byacu kuko Afurika n’ikora neza n’u Burayi buzaboneramo inyungu.”

JPEG - 82.3 kb
Perezida Kagame mu biganiro na Minisitiri w’Intebe w’u Bubiligi

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE