2017-11-17 14:59:33 clouds 27o High | Kigali Rwanda

Dukurikire:
 
 

Abana 1266 ni bo basigaye mu bigo by’imfubyi -Minisitiri Nyirasafari

Yanditswe na IMVAHO NSHYA

Kuya 2017-06-08 15:48:48

 
Share on:
 
Yasuwe:90
 
Yavuzweho:200
 
10
 
10

Minisitiri w’Uburinganire n’Iterambere ry’Umuryango Nyirasafari Esperance aratangaza ko abana 1266 ari bo basigaye mu bigo by’imfubyi, naho abandi bamaze gushakirwa imiryango muri gahunda ya “Tumurere mu miryango”.

Minisitiri Nyirasafari avuga ko kugira ngo umwana avanwe mu kigo ashyirwe mu muryango umwakira bisaba igihe n’inzira ndende kuko hari ibigomba kwitabwaho nko gutegura umuryango azajyamo.

Yatanze urugero rw’uko urugo ruba rugizwe n’abantu banyuranye (umugabo, umugore n’abana) hakaba havamo umwe ubishaka undi atabishaka.

Avuga ko umwe abyanze undi akabyemera umwana badashobora kumuha uwo muryango, hakaba igihe n’abana bo muri urwo rugo batabyifuza, bigasaba kubategura bose kugira ngo babyemeranyeho.

JPEG - 135.1 kb
Minisitiri w’uburinganire n’iterambere ry’umuryango Nyirasafari Esperance yatangarije abanyamakuru uko uburere bw’umwana bugomba kugenda(Foto Pamela)

N’ubwo hifuzwa ko umwana arererwa mu muryango, Nyirasafari avuga ko kugira ngo umwana ashyirwe mu muryango bisaba ko aho agiye ahabwa amahirwe nk’abandi, ntahozwe ku nkeke nk’uko abo asanze bazihozwaho.

Ashima ababyeyi bakira abana bajugunywe cyangwa batereranwe n’abababyaye n’abakira abakiri mu bigo by’imfubyi, avuga ko muri 2012, mu bigo hari abana b’imfubyi 3323 ariko abagera kuri 2691 bamaze kubonerwa imiryango hasigaye abana 1266 bakiyishakirwa.

Yasabye Abanyarwanda kugira umuco wo kurera abana batagira kivurira. Ati“ntibyumvikana ukuntu abanyamahanga baza gufata abana bajya kurera mu ngo zabo mu gihugu hakabura urera umwana”.

Abana bavuye mu bigo by’imfubyi bajyanwa mu miryango bakurikiranwa hifashishijwe inzego zashyizweho na Leta zirimo inshuti z’umuryango, umugoroba w’ababyeyi, abakuru b’imidugudu, ariko umurera akaba ari we umushinzwe by’ibanze.

Nyirasafari atangaza ko kuva taliki 15 Gicurasi kugeza taliki ya 16 Kamena 2017 ari ukwezi kwarahariwe uburenganzira bw’umwana kandi kuzarangwa n’ibikorwa binyuranye birimo umugoroba w’ababyeyi nka gahunda ifitiye umuryango nyarwanda n’igihugu akamaro.

Taliki ya 16 Kamena hizihizwa umunsi w’umwana w’umunyarufika, mu gihe taliki 12 Kamena hizihizwa umunsi mpuzamahanga wahariwe kurwanya imirimo mibi ikoreshwa abana.

Kwizihiza iyo iminsi mikuru yombi bikazabera rimwe mu karere ka Rusizi hagenderwa ku nsanganyamatsiko igira iti“Turengere umwana dusigasira ibyagezweho”.

SEZIBERA ANSELME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE