2017-12-11 14:03:29 clouds 27o High | Kigali Rwanda

Dukurikire:
 
 

Intambara y’amagambo hagati ya Perezida Trump na meya w’umujyi wa London

Yanditswe na IMVAHO NSHYA

Kuya 2017-06-07 08:35:00

 
Share on:
 
Yasuwe:581
 
Yavuzweho:200
 
10
 
10

Perezida wa Leta Zunze Ubumwe za Amerika na Meya w’umurwa mukuru w’u Bwongereza, Sadiq Khan bakomeje guterana amagambo nyuma y’ibitero byibasiye uwo mujyi ku wa Gatandatu w’icyumweru gishize.

Uwo munsi intagondwa z’Abayisilamu zagabye igitero kuri London zica abantu barindwi naho 48 barakomereka.

Meya Sadiq Khan, nyuma yaho gato yanyujije ubutumwa kuri Twitter asaba abaturage kudahangayika, bagakomeza imirimo yabo.

Trump yahise amusubiza agira ati “Abantu 7 bapfuye 48 barakomereka none Meya wa London aravuga ko nta mpamvu yo guhangayika!?”

JPEG - 52.4 kb
Perezida Trump na Meya wa London Sadiq Khan

Khan yabwiye BBC ko mu by’ukuri atashakaga gupfobya ubukana bw’igitero cy’iterabwoba cyari cyabaye; ahubwo ko yabwiraga abaturage ngo ntibahangayikishwe n’abasirikare benshi bagaragaye ku muhanda nyuma y’igitero.

Umuvugizi we yongereyeho ati “Meya Khan afite ibintu byinshi byo gukora bitari ugusubiza ubutumwa bwa Trump bushingiye ku kinyoma, kandi butajyanye n’icyashakaga kuvugwa.”

Ku wa Mbere, Trump yavuze ko Meya wa London yisobanuye mu buryo busekeje, agashaka kwigarura ku byo yavuze amazi yarenze inkombe.

Meya Sadiq Khan ati “Trump nasura u Bwongereza tuzamwakirane agasuzuguro”

Ku wa Mbere, ari mu kiganiro na televiziyo Channel 4 News, yavuze ko u Bwongereza bukwiriye kwakirana agasuzuguro Trump mu ruzinduko ateganya kuhagirira, kubera ukuntu arwanya abimukira.

Ati “Numva nadusura tudakwiye kuzamuramburira ‘red carpet kuko politiki ye irwanya buri kimwe dushyize imbere nk’u Bwongereza.”

Ibitero by’iterabwoba byibasiye umujyi wa London byongereye ubukana bwo kutumvikana bwari busanzwe hagati ye na Khan.

Ubwo uyu meya w’Umuyisilamu yatsindaga amatora Trump yari yamaze gutangaza ko azaha akato abo mu idini rye mu gihe agiye ku butegetsi. Ibi byatumye Meya Khan ashyigikira byeruye Hillary Clinton.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE