2017-09-21 09:07:12 clouds 27o High | Kigali Rwanda

Dukurikire:
 
 

MINEDUC ntishyize imbere ibyo gusubizaho buruse za Siporo

Yanditswe na IMVAHO NSHYA

Kuya 2017-06-07 06:21:00

 
Share on:
 
Yasuwe:301
 
Yavuzweho:200
 
10
 
10

Umunyamabanga wa Leta ushinzwe amashuri abanza n’ayisumbuye muri Minisiteri y’Uburezi “MINEDUC”, Munyakazi Isaac aremeza ko badashyize imbere ibyo gusubizaho buruse zahabwaga abana bafite impano muri siporo.

Izi buruse zatumaga aba bana bigira ubuntu muri Kaminuza babikesha ubuhanga mu mikino. Iyi politiki yahozeho mu mashuri nk’icyahoze ari Kaminuza nkuru y’u Rwanda yagize uruhare mu iterambere ry’imikino cyane cyane iy’amaboko ariko kuva zavaho bikaba bisa nk’aho iyi mikino yasubiye inyuma.

Ubwo habaga imikino ya nyuma mu irushanwa rihuza ibigo by’amashuri ku rwego rw’igihugu mu mpera z’icyumweru, umunyamabanga wa Leta ushinzwe amashuri abanza n’ayisumbuye muri MINEDUC, Munyakazi Isaac yavuze ko MINEDUC ishyize imbere gufasha abana kuba intyoza muri siporo no mu masomo aho kumvisha abana ko bazazamurwa na siporo gusa.

Yagize ati “Nta bwo ari ibintu twe twashyira imbere cyane. Nta bwo twe dushaka umwana ujya kwiga ngo ajyane gusa ko ashobora gukora siporo adafite ubushobozi bwo mu ishuri”.

JPEG - 225.4 kb
Umunyamabanga wa Leta ushinzwe amashuri abanza n’ayisumbuye muri MINEDUC, Munyakazi Isaac

Yakomeje agira ati “Tubateguye neza muri ya mashuri yo hasi, ba bana bazamukana byose ku buryo bajya batsinda bidasabye ko bahabwa ishuri kuko ari abakinnyi ahubwo bakarihabwa kuko bashoboye. Ikindi umukinnyi dukeneye ni ufite indangagaciro z’ubwenge akanagaragaza iyo mpano ya siporo. Twe ntitwifuza ba bakinnyi muzi mu bihugu bitandukanye bajya gukinira ikipe y’igihugu bakabanza gusaba amafaranga’’.

Muri Kamena 2016 ubwo Minisitiri w’Umuco na Siporo “MINISPOC”, Uwacu Julienne yitabaga Komisiyo y’imibereho myiza muri Sena, yagaragaje ko siporo mu mashuri itagishyirwamo imbaraga nk’uko byahoze.

Abasenateri bari basabye ko buruse zajyaga zihabwa abakinnyi bafite impano zasubiraho, aho bagaragaje ko bitumvikana uburyo habaho za Kaminuza zirenga 30 ariko ntihaboneke amakipe akomeye ya Basketball, Volleyball n’indi mikino.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE