2017-12-13 09:46:30 clouds 27o High | Kigali Rwanda

Dukurikire:
 
 

Karongi:Amatora ya Perezida wa Repubulika bayiteguye nk’ubukwe

Yanditswe na IMVAHO NSHYA

Kuya 2017-06-06 06:34:18

 
Share on:
 
Yasuwe:70
 
Yavuzweho:200
 
10
 
10

Bamwe mu baturage bo mu karere ka Karongi by’umwihariko abo mu murenge wa Rwankuba, bavuga ko iterambere bamaze kugeraho barikesha imiyoborere myiza, ari nayo mpamvu biteguye kongera gutora neza, ndetse ubu imyiteguro nk’iy’ubukwe bakaba bayigeze kure.

Abaturage bo muri uyu murenge wa Rwankuba, bagaragaza ko hari byinshi bituma baha agaciro amatora, ndetse no gutora neza. Bavuga ko bitewe n’ubuyobozi bubi bagize mbere ya Jenoside yakorewe abatutsi agace batuyemo kari karasigaye inyuma, ariko ubu ngo iterambere bagezeho riragaragarira buri wese.

Mu ngero bagaragaza harimo kuba nta vuriro na rimwe cyangwa ishuri ryisumbuye ryaharangwaga, ariko kuri ubu harabarirwa ibigo nderabuzima bine, amashuri y’uburezi bw’ibanze atanu, gahunda ya Girinka yabagezeho, VUP n’ibindi bikorwa bitandukanye by’iterambere.

JPEG - 192.2 kb
Iyi ni inzu ababyeyi babyariramo ni kimwe mu bikorwaremezo bishimira ko bamaze kugeraho

Mahoro Thomas, umwe muri abo baturage, avuga ko bitewe n’ibyo bamaze kugeraho babikesha imiyoborere myiza, biteguye kwitorera umuyobozi ubabereye ndetse imyiteguro bakaba barayishyizemo imbaraga nyinshi, kuko bo aya matora bayafata nk’ubukwe.

Yagize ati “Imiyoborere nyiza yaduhaye amavuriro, mbere umurwayi yararwaraga tukamuheka tumujyana mu Gakuta ibirometero nka bitandatu, ariko ubu ibigo nderabuzima biratwegereye, ntawe ukirembera mu rugo, nta mubyeyi ugipfira mu rugo ari kubyara.”

Mukankusi Clementine, nawe avuga ko gahunda za Leta zibafasha kwiteza imbere begerejwe bazikesha imiyoborere myiza irangajwe imbere na Perezida wa Repubulika Paul Kagame, bityo ngo itariki ikaba ibatindiye ngo bamwereke ko ibyiza yabakoreye babizirikana.

Yagize ari “Twiteguye amatora nk’ubukwe, imishanana twamaze kuyitegura, abagabo bacu nabo amakote twarayabateguriye, mbese itariki iratinze kugira ngo twitorere umuyobozi mwiza.

Abasaza babonye inka za Girinka, hari abafata ingoboka, amashuri arahari abana bariga, uburinganire n’ubwuzuzanye hagati y’umugore n’umugabo burahari…”

Urubyiruko narwo ruzatora bwa mbere narwo ruvuga ko rwiteguye neza amatora, ubu bakaba baramaze kwikosoza kuri lisite z’itora, abatarabona indangamuntu nabo bakaba bari kuzishaka, byose muri gahunda yo kugira ngo hatazagira ikibakoma mu nkokora kibabuza kwitorera Umukuru w’igihugu.

DUSINGIZUMUREMYI VESTINE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE