2017-11-24 09:36:46 clouds 27o High | Kigali Rwanda

Dukurikire:
 
 

Amavubi azakina na Maroc imikino ibiri muri gahunda yo Kwibuka

Yanditswe na IMVAHO NSHYA

Kuya 2017-06-01 08:11:50

 
Share on:
 
Yasuwe:131
 
Yavuzweho:200
 
10
 
10

Tariki 2-06-2017: Amavubi-Maroc (Amahoro-15h30)
Tariki 04-06-2017: Maroc-Amavubi (Amahoro-15h30)

Ishyirahamwe ry’umupira w’amaguru mu Rwanda “FERWAFA” ryatangaje ko ikipe y’igihugu ya Maroc iri mu Rwanda aho yaje kwitabira irushanwa ryo kwibuka ku nshuro ya 23 Jenoside yakorewe Abatutsi muri Mata 1994 “Genocide Memorial Tournament”.

Iyi kipe yageze mu Rwanda tariki 30 Gicurasi 2017, biteganyijwe izakina n’Amavubi imikino ibiri umukino wa mbere ukaba ejo tariki 02 Kamena 2017 naho undi mukino ube tariki 04 Kamena 2017.

JPEG - 322.8 kb
Ubwo Amavubi U-20 yakinaga na Maroc U-20 mu irushanwa ryo kwibuka ry’umwaka ushize

Ikipe y’u Rwanda “Amavubi” kuva tariki 28 Gicurasi 2017 iri mu mwiherero aho yitegura umukino wa mbere mu itsinda H izakina na Central African Republic mu rwego gushaka itike ya CAN 2019.

Iyi mikino iyi kipe izakina na Maroc ikaba izafasha umutoza Antoine Hey kwitegura ndetse no kureba uko iyi kipe ihagaze mbere yo kwereza i Bangui muri Central African Republic.

Mu Rwanda amarushanwa yo kwibuka mu mikino itandukanye asanzwe ategurwa mu rwego rwo kwibuka abari abakinnyi, abatoza, abayobozi ndetse n’abakunzi b’imikino bazize Jenoside yakorewe Abatutsi muri Mata 1994.

Mu mupira w’amaguru iri rushanwa ryatangiye gukinwa muri 2015 aho ryitabiriwe na Kenya, Tanzania, South Sudan n’u Rwanda.

Mu mwaka ushize na bwo haje ikipe y’abatarengeje imyaka 20 ya Maroc ikina n’Amavubi. N’ubwo Maroc ari yo kipe yonyine izitabira iri rushanwa ryo kwibuka hari hatumiwe amakipe 13 arimo Maroc, Guinea Conakry, Equatorial Guinea, Togo, Congo Brazzaville, Libya, Burkina Faso, Ethiopia, Gabon, Liberia, Ghana, Kenya na Nigeria.

Abagize ikipe ya Maroc

Aba ni abakinnyi 23 ari bo Abdelialil Lebada, Jawad Harti, Zakaria Arsalane, Saleh Essalami, Benlahsen Saad, El Garnaoui Rachid, Yassine Bouaali, Achraf Laarifi, Iliyass Laghzoui, Faraji Karmoune, Ait Lamkadem Redouane, Lachheb El Habib, Boudraa Hatim, Omari Ibrahim, Salah Eddine Icharane, Yassine El Idrissi, Raihan Ait-Bara, Rassouany Hamza, Achraf Laich, Hamza Errahli, Abdessamad Niani, Komh Nour-Eddine na Erahmani Ismail.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE