2017-12-11 14:03:29 clouds 27o High | Kigali Rwanda

Dukurikire:
 
 

Ishyaka n’uburyohe bw’umupira byaragabanyutse mu Rwanda - Kanyankore

Yanditswe na IMVAHO NSHYA

Kuya 2017-05-31 06:42:10

 
Share on:
 
Yasuwe:101
 
Yavuzweho:200
 
10
 
10

Umutoza wa Bugesera FC, Kanyankore Gilbert “Yaounde” aravuga ko uko imyaka ishira ariko ishyaka n’umuco wo guhangana bigabanyuka mu bakinnyi b’umupira w’amaguru mu Rwanda.

Ibi arabivuga nyuma yo gutoza amakipe arimo ’’Les Citadins’’ ariyo yavuyemo AS Kigali muri 2007, nyuma akajya gutoza i Burundi kugeza agarutse mu Rwanda mu mwaka ushize.

Kanyankore ubaye igihe kirekire mu mupira agaragaza ko mu myaka 10 hari ishyaka riruta kure iriri mu mupira w’uyu munsi.

Ati ’’Shampiyona za kera n’izubu harimo itandukaniro. Kera hari abakinnyi bafite ishyaka, ubushake bwinshi ndetse bazi gukina bafite wa mupira wo mu maraso. Ntabwo abatoza twahaganyikaga cyane’’.

JPEG - 374.1 kb
Kanyankore Gilbert Yaounde wemeza ko shampiyona y’u Rwanda mu mupira w’amaguru itakirimo ishyaka nka kera

Arongera ati “Shampiyona zo mu myaka 10 ishize ntiwazigereranya n’ubu kandi ntihakinaga abanyamahanga gusa kuko n’abana b’Abanyarwanda bakinaga’’.

Kanyankore agaragaza ko ikibazo cy’umubare muto w’abakinnyi ari kimwe mu bikigoye umupira w’u Rwanda.

Ati ’’Hagomba kongerwa amashuri y’umupira w’amaguru kuko ni ibintu mu isi yose bibaho. N’abajya i Burayi baba baravuye muri za Academie zabo zo muri ibyo bihugu. Umupira ntibawiga bakuze, banavuga kandi batawuzi ariko kubera ziriya academie bagenda bawumenya. Na twe uko twari twabitangiye, byaba byiza twongeye kubishyiramo ingufu kugira ngo yongere akomere’’.

Kanyankore anagaragaza ko guca burundu abanyamahanga muri shampiyona atari igisubizo kirambye kuri iki kibazo.
BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE