2017-12-11 14:03:29 clouds 27o High | Kigali Rwanda

Dukurikire:
 
 

Mushikiwabo ntiyumva kimwe na NEC ibyo kugenzura ubutumwa bw’abakandida mu matora

Yanditswe na IMVAHO NSHYA

Kuya 2017-05-31 05:47:18

 
Share on:
 
Yasuwe:709
 
Yavuzweho:200
 
10
 
10

Minisitiri w’Ububanyi n’Amahanga, yatangaje ko atemeranya na Komisiyo y’Igihugu y’Amatora, NEC, ku kuba ubutumwa bwo ku mbuga nkoranyambaga bw’abakandida baziyamamaza mu matora ya Perezida ateganyijwe muri Kanama buzabanza kugenzurwa mbere yo gutangazwa.

Mu cyumweru gishize, Umuyobozi wa Komisiyo y’Igihugu y’Amatora, Prof. Kalisa Mbanda yabwiye itangazamakuru ko mu kwiyamamaza, hashyizweho icyiciro gishya cy’imbuga nkoranyambaga, ariko kikaba gifite amabwiriza yihariye akigenga.

Ati “Mbere yo gusakaza amakuru atangwa binyuze ku mbuga nkoranyambaga ubutumwa butambutswa bugomba kubanza kunyuzwa muri Komisiyo y’Igihugu y’Amatora ikareba ko ntawe busesereza cyangwa butandukanya Abanyarwanda. Abo tutazi n’ubutumwa tutarabona ntibwemerewe gusakazwa mu bantu.”

Ibi Minisitiri Mushikiwabo abibona mu buryo butandukanye n’iyi komisiyo; abinyujije ku rubuga rwa Twitter yavuze ko abona Abanyarwanda badakwiye gusaba uruhusa bwo gutambutsa ubutumwa ku mbuga nkoranyambaga.

Yasobanuye ko bitari ngombwa kugenzura ubutumwa bw’abiyamamaza kuko u Rwanda rusanzwe rufite amategeko ahana uwakoresheje izo mbuga agamije kubiba amacakubiri cyangwa akanyuzaho ubutumwa butukana.

Yagize ati “Nubaha cyane Komisiyo y’Amatora, ariko sinemeranya nayo ko Abanyarwanda mu matora bagomba ikibari cy’ubutumwa ku mbuga nkoranyambaga!!”

JPEG - 228 kb
Minisitiri w’Ububanyi n’Amahanga, Louise Mushikiwabo

Yongeyeho ko Abanyarwanda benshi bubahiriza amategeko ku buryo hagize bake bashaka kuyangiza bakurikiranwa n’inzego zibifite mu nshingano ariko abandi bakagumana uburenganzira bwabo bwo kuvuga ikibari ku mutima.

Prof Mbanda yari yavuze ko NEC itazakurikirana umukandida ufite telefoni ye uzahamagara umuturanyi amwibutsa kumutora, ariko ko izagenzura uzakoresha imbuga nkoranyambaga kugira ngo ageze ubutumwa ku Banyarwanda benshi ifatanyije n’inzego z’umutekano n’ikoranabuhanga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE