2017-10-17 06:58:11 clouds 27o High | Kigali Rwanda

Dukurikire:
 
 

Ingamba eshatu Perezida wa FERWAFA abona ko zaca ingeso yo kwitsindisha

Yanditswe na IMVAHO NSHYA

Kuya 2017-05-23 07:02:42

 
Share on:
 
Yasuwe:723
 
Yavuzweho:200
 
10
 
10

Bimaze kuba umuco ko imikino yo kwishyura ya shampiyona ikunze kugaragaramo uburimanganya aho amakipe cyane cyane arwana no kutamanuka mu cyiciro cya kabiri aha amafaranga ayo bahura kugira ngo yitsindishe cyangwa se ikayaha ikipe iza guhura n’iyo bahanganye kugira ngo ibashe kuyiyitsindira.

Aya mafaranga atangwa mu buryo bw’ibanga ku buryo bigoye kubibonera ibimenyetso ariko iyo uganiriye bisamzwe n’ababikora barabikwemerera.

Nduhirabandi, umutoza wa Marines FC, imwe mu zirwana no kutamanuka mu cyiciro cya kabiri aherutse kugira ati «Mu mikino ya nyuma habamo ibintu byinshi kandi bikomeye. Ujya gukina uhanganye n’amakipe nk’atanu’’.

JPEG - 299 kb
Perezida wa FERWAFA, Nzamwita Vincent de Gaule uvuga ko ingeso yo kwitsindisha igomba gucika

N’ubwo benshi babihishira, Ivan Minnaert utoza Mukura mu mpera z’icyumweru amaze gutsindwa na Gicumbi FC ibitego 2-1, we yagize ati ’’Urebye uburyo twatsinzwemo ibitego, bigaragara ko hari abakinnyi bari baguzwe’’. Haba uyu mutoza cyangwa abakunzi b’iyi kipe ntibabasha kukwereka ibimenyetso.

Imvaho Nshya yagiranye ikiganiro kirambuye na Perezida w’ishyirahamwe ry’umupira w’amaguru mu Rwanda « FERWAFA », Nzamwita Vincent De Gaule agaragaza ingamba eshanu zafatwa ibi bigacika burundu.

Guhindura uburyo bw’imikinire « format » muri shampiyona

Nzamwita yatangiye agaragaza ko iki kibazo cy’igurwa ry’imikino (Match Fixing) ari ikibazo gihangayikishije isi ariko cyane cyane mu mugabane w’Afurika, ari nayo mpamvu mu nama zihuza abayobozi b’umupira w’amaguru muri Afurika bakunze kukiganiraho n’ubwo nta muti urambye urafatwa.

Perezida wa FERWAFA yakomeje asobanura ko imwe mu ngamba zihari ari ukuzicara hagasuzumwa niba hadakwiye uburyo shampiyona ikinwa ku buryo hajya habaho imikino ihuza amakipe ane ya nyuma (Playoff) cyangwa se n’aya mbere mu kugabanya iki kibazo.

Ashingiye ku byo yaganiriye n’abandi bayobozi, yagize ati ’’Nkatwe igihugu ni gito si nk’ahandi bahura mu ma League, bikazamuka mu ntara. Nkatwe ni shampiyona aho umwe ahura n’undi. Hari n’ahandi bakina Playoff nk’iyi igabanya cyane ibi byo kwitsindisha. Hari na Perezida watubwiye ngo tujye dukina nko muri champions League, bamwe baramuseka ku buryo buri gihe haba tombola ariko ibyo ubanza byagabanya uburyohe bwa shampiyona’’.

Nzamwita yakomeje avuga ko Komisiyo y’amarushanwa igiye kwicara ikareba uburyo bwatuma iki kibazo gicika maze bikazemezwa n’inteko rusange.

Kwigisha abayobozi b’amakipe

Ingamba ya kabiri, Nzamwita agaragaza ni ukwigisha abayobozi n’abakinnyi ububi bw’iyi ngeso.

Ati ’’Ahantu hakomeye ho gukora ni ukwigisha abayobozi n’abakinnyi umuco wacu wanga ruswa no kuba inyangamugayo. Nko mu nama iheruka twari twasabye abayobozi b’amakipe kwitoza kuba inyangamugayo, umusifuzi yamuhamagara (amwaka ruswa) undi akamushyira ku karubanda. Babikoze byacika’’.

Gukorana n’inzego z’iperereza ku mikino ikekwamo ruswa

Icya gatatu kigiye gukorwa ni ukwitabaza inzego za Polisi kugira ngo ahabonetse ayo makuru izi nzego zijye zikurikirana nk’uko zibigenza ku byaha bisanzwe.

Ati “Ikindi gishoboka ni ugukora ubufatanye na Police tukayisaba ubufasha mu ipereza kandi mperuka kuvugana n’umuvugizi wa Polisi y’igihugu, Theos Badege arambwira ngo tuzakore umushinga tuwubagezeho, ku buryo bajya bakurikirana ayo makuru, kandi uzajya ufatwa azajya ahanwa nk’umuntu wakoze icyaha’’.

Nzamwita asoza asaba buri muntu wese wagira aya makuru ko yajya ayabagezaho mu gihe ariko afite ibimenyetso bifatika.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE